ചാ​ത്ത​ന്നൂർ: ലക്ഷക്കണക്കിന് രൂപ ചെലവഴിച്ച് നിർമ്മാണം നടത്തിയിട്ടും മൂന്ന് തവണ കൊട്ടിഘോഷിച്ച് ഉദ്ഘാടന പരമ്പരകൾ തന്നെ നടത്തിയിട്ടും ചാത്തന്നൂരിലെ പ്രൈവറ്റ് ബസ് സ്റ്റാൻഡിൽ ഒരു ബസ് പോലും കയറുന്നില്ല. സി​വിൽ സ്റ്റേ​ഷ​ന് സ​മീ​പം ഒ​രേ​ക്കർ സ്ഥ​ല​ത്ത് 79 ല​ക്ഷം രൂ​പയോളം ചെലവഴിച്ച നിർമ്മാണവും അനുബന്ധ പ്രവർത്തനങ്ങളും നടത്തിയ ബസ് സ്റ്റാൻഡാണ് വർഷങ്ങളായി പ്രവർത്തനമില്ലാതെ കിടക്കുന്നത്.

2012ലാണ് വ്യവസായ വകുപ്പിൽ നിന്ന് ഏ​റ്റെ​ടു​ത്ത ഒ​രേ​ക്കർ സ്ഥ​ല​ത്ത് ബസ് സ്റ്റാൻഡ് നിർമ്മിക്കുന്നതിനായി അ​ഞ്ച് ല​ക്ഷം രൂ​പ മു​ട​ക്കി ചാ​ത്ത​ന്നൂർ പ​ഞ്ചാ​യ​ത്ത് പ്രാ​രം​ഭ പ്ര​വർ​ത്ത​ന​ങ്ങൾ നടത്തിയത്. തുടർന്ന് എം.എൽ.എയുടെ ആസ്തി വികസന ഫണ്ടിൽ നിന്ന് 60 ലക്ഷം രൂപ ചെലവഴിച്ച് കാത്തിരിപ്പ് കേന്ദ്രവും വിശ്രമമുറിയും ഉൾപ്പെടെ നിർമ്മിച്ചു. പി.ഡബ്ളിയു.ഡിയാണ് മരാമത്ത് പണികൾ നടത്തിയത്. നിർമ്മാണം പൂർത്തിയായതിനെ തുടർന്ന് 2015ലാണ് ബസ് സ്റ്റാൻഡിന്റെ ആദ്യത്തെ ഉദ്ഘാടനം നടന്നത്.

എന്നാൽ പ്രൈവറ്റ് ബസ് ഓണേഴ്സ് അസോസിയേഷന്റെ നിസഹകരണം മൂലം പിന്നീട് ഒരു ദിവസം പോലും പ്രവർത്തിക്കാനുള്ള ഭാഗ്യം പുതിയ ബസ് സ്റ്റാൻഡിനുണ്ടായില്ല. ഇതേതുടർന്ന് ആർ.ടി.ഒ ഉദ്യോഗസ്ഥരുമായി നടത്തിയ ചർച്ചയിൽ സ്റ്റാൻഡിന്റെ മുൻവശത്തെ കുളം അപകടത്തിന് കാരണമാകുമെന്ന ന്യായമാണ് അസോസിയേഷൻ ഭാരവാഹികൾ ഉന്നയിച്ചത്.

അതിന്റെ അടിസ്ഥാനത്തിൽ പഞ്ചായത്ത് ഫണ്ടിൽ നിന്ന് 11 രൂപ ചെലവഴിച്ച് കുളത്തിന് സംരക്ഷണ വേലി നിർമ്മിക്കുകയും 2018ൽ ബസ് സ്റ്റാൻഡിന്റെ രണ്ടാമത്തെ ഉദ്ഘാടനവും ആഘോഷമായി തന്നെ നടത്തുകയും ചെയ്തു. എന്നിട്ടും രക്ഷയില്ലെന്ന് കണ്ടതോടെ 2019ൽ വീണ്ടും ഒരു ഉദ്ഘാടനം കൂടി അരങ്ങേറിയെങ്കിലും സ്ഥിതി പഴയതു പോലെ തന്നെ തുടരുകയാണ്.

 പെർമിറ്റില്ല

ചാത്തന്നൂർ ജംഗ്ഷനിൽ നിന്ന് തിരിയുന്ന ബസുകൾക്ക് തിരുമുക്ക് വരെ മാത്രമേ പെർമ്മിറ്റുള്ളുവെന്നാണ് പ്രൈവറ്റ് ബസ് ഓണേഴ്സ് അസോസിയേഷൻ ഇപ്പോൾ പറയുന്നത്. പെർമ്മിറ്റ് സ്റ്റാൻഡ് വരെ നീട്ടിക്കിട്ടുന്നതോടെ ബസ് സ്റ്റാൻഡ് പ്രവർത്തനക്ഷമമാകുമെന്നാണ് അവരുടെ വാദം.

 ദുരിതത്തിലായത് ജനങ്ങൾ

പ്രൈവറ്റ് ബസ് സ്റ്റാൻഡ് നിർമ്മാണം പൂർത്തിയാക്കിയതോടെ നാട്ടുകാർക്ക് ആശ്വാസമായിരുന്നു. സ്റ്റാൻ​ഡി​ന് സ​മീ​പം നിരവധി വി​ദ്യാ​ഭ്യാസ സ്ഥാ​പ​ന​ങ്ങൾ പ്ര​വർ​ത്തി​ക്കു​ന്നുണ്ട്. കൊ​ട്ടാ​ര​ക്ക​ര, പ​ര​വൂർ, ചി​റ​ക്ക​ര, പൂത​ക്കു​ളം എന്നിവിടങ്ങളിൽ നി​ന്ന് ഇ​വി​ടേ​യ്ക്ക് വ​രു​ന്ന വി​ദ്യാർ​ത്ഥി​ക​ളും​ ജീവനക്കാരും ര​ണ്ട് കി​ലോ​മീറ്റർ ദൂ​രെ​യു​ള്ള ചാ​ത്ത​ന്നൂർ ജം​ഗ്​ഷ​നി​ലാ​ണ് ബ​സ് ക​യ​റാ​നാ​യി ഇപ്പോൾ പോ​കു​ന്ന​ത്. ഓരോ തവണയും ഉദ്ഘാടനം പൊടിപൊടിക്കുമ്പോൾ തങ്ങളുടെ ബുദ്ധിമുട്ട് മാറുമെന്ന പ്രതീക്ഷയിലാണ് ഇവർ.
പ്രവർത്തനമില്ലാതായതോടെ ബസ് സ്റ്റാൻഡ് തെ​രു​വ് നാ​യ്​ക്ക​ളു​ടെ​യും സാ​മൂ​ഹ്യ വി​രു​ദ്ധ​രു​ടെ​യും വി​ഹാ​ര കേ​ന്ദ്ര​മാ​യി മാ​റി​യതോടെ അതും സഹിക്കേണ്ട ഗതികേടിലാണ് ജനങ്ങൾ.

 മൂ​ന്ന് പ്രാ​വ​ശ്യം ഉ​ദ്​ഘാ​ട​നം ചെയ്തിട്ടും ബ​സ് ക​യ​റാത്ത കേരള ചരിത്രത്തിലെ തന്നെ ഒ​രേയൊ​രു ബസ് സ്റ്റാൻ​ഡാ​ണ് ചാ​ത്ത​ന്നൂരിലേത്. അ​ടി​യ​ന്തര​മാ​യി സ്റ്റാൻഡ് പ്രവർത്തന ക്ഷമമാക്കാനുള്ള ന​ട​പ​ടികൾ സ്വീകരിക്കുകയും നിർമ്മാണത്തിലെ അ​ഴി​മ​തി​യെ​ക്കു​റി​ച്ച് അ​ന്വേ​ഷണം നടത്തുകയും വേണം.

ചാ​ത്ത​ന്നൂർ മു​ര​ളി

കോൺ​ഗ്ര​സ് ബ്ളോക്ക് പ്ര​സി​ഡന്റ്

 ചാ​ത്ത​ന്നൂർ പ്രൈ​വ​റ്റ് ബ​സ് സ്റ്റാൻഡ് പ്രവർത്തനക്ഷമമാകാൻ അ​ധി​കൃ​തർ ശ​ക്ത​മാ​യ ന​ട​പ​ടി സ്വീ​ക​രി​ക്ക​ണം

ക​ളി​യാ​കു​ളം ഉ​ണ്ണി

പ​ഞ്ചാ​യ​ത്തം​ഗം

 ചെലവഴിച്ചത് 79 ലക്ഷം

പ്രാരംഭ പ്രവർത്തനങ്ങൾ 5 ലക്ഷം രൂപ

നിർമ്മാണം 60 ലക്ഷം രൂപ

ഉദ്ഘാടന പരിപാടികൾ 3 ലക്ഷം രൂപ

കുളത്തിന് സംരക്ഷണ ഭിത്തി നിർമ്മാണം 11 ലക്ഷം രൂപ

 ഭൂമി ഏറ്റെടുത്തത് 2012ൽ

 ഉദ്ഘാടനം 1: 2015

 ഉദ്ഘാടനം 2: 2018

 ഉദ്ഘാടനം 3: 2019