ചാ​ത്ത​ന്നൂർ: കു​മ്മ​ല്ലൂർ തോ​ണി​ക്ക​ട​വ് - കു​മ്മ​ല്ലൂർ ജം​ഗ്​ഷൻ റോ​ഡ് പൊ​ട്ടി​പ്പൊ​ളി​ഞ്ഞ് കാൽ​ന​ട​യാ​ത്ര പോ​ലും ദു​ഷ്​ക​ര​മാ​യി​ട്ടും അധികൃതർ അ​ന​ങ്ങാ​പ്പാ​റ ന​യം സ്വീ​ക​രി​ക്കുന്നതായി പരാതി. ആ​ദി​ച്ച​ന​ല്ലൂർ പ​ഞ്ചാ​യ​ത്തിലെ പ​ത്താം വാർ​ഡി​ൽ സ്ഥിതി ചെയ്യുന്ന റോ‌ഡാണ് കുണ്ടും കുഴിയും നിറഞ്ഞ് പ്രദേശവാസികളുടെ നടുവൊടിക്കുന്നത്.

ദേ​ശീ​യപാ​ത​യിൽ നി​ന്ന് മീ​യ​ണ്ണൂ​രിൽ പ്ര​വർ​ത്തി​ക്കു​ന്ന സ്വ​കാ​ര്യ മെ​ഡി​ക്കൽ കോ​ളേ​ജി​ലേ​ക്കും കൊ​ട്ടാ​ര​ക്ക​ര, ആ​യൂർ ഭാ​ഗ​ങ്ങ​ളി​ലേ​ക്കും പോ​കു​ന്ന പ്ര​ധാ​ന റോ​ഡിനാണ് ഈ അവസ്ഥ. മൂ​ന്ന് വർ​ഷം മുമ്പ് റോ​ഡ് ടാർ ചെ​യ്​തി​രുന്നു. അ​തി​നുശേ​ഷം 3 മാ​സ​ത്തി​നു​ള്ളിൽ ത​ന്നെ റോ​ഡ് ത​കർ​ന്ന് തു​ട​ങ്ങി. എന്നാൽ ക​രാ​റു​കാ​ര​നെ കൊ​ണ്ട് അ​റ്റ​കു​റ്റപ്പ​ണി ന​ട​ത്താൻ അ​ധി​കൃ​തർ ശ്ര​മി​ച്ചി​ല്ലെന്ന ആരോപണവുമുണ്ട്.

ഭാ​രം കൂ​ടി​യ വാ​ഹ​ന​ങ്ങൾ​ക്ക് നി​രോ​ധ​നം ഏർ​പ്പെ​ടു​ത്തി​യി​ട്ടു​ള്ള റോ​‌ഡിലൂടെ ടി​പ്പ​റു​ക​ളുൾപ്പെടെയുള്ള വലിയ വാഹനങ്ങൾ യ​ഥേ​ഷ്ടം പോ​കു​ന്ന​താ​ണ് റോ​ഡ് ത​ക​രാൻ കാ​ര​ണമെന്നാണ് നാട്ടുകാർ പറയുന്നത്.

റോ​ഡി​ന്റെ വ​ശ​ത്തുള്ള ചി​റ​ ക​രി​ങ്കൽ ഭി​ത്തി കെ​ട്ടി ബ​ല​പ്പിക്ക​ണമെന്നും റീടാറിംഗ് നടത്തി റോഡ് ഗ​താ​ഗ​ത​യോ​ഗ്യം ആ​ക്ക​ണമെന്നുമാണ് നാ​ട്ടു​കാ​രു​ടെ ആ​വ​ശ്യം.

 ഭാരം കയറ്റിയ ലോറികൾ ഇതുവഴി പോകുന്നതിന് കർശന നിയന്ത്രണമേർപ്പെടുത്തണമെന്നാവശ്യപ്പെട്ട് നിരവധി തവണ അധികൃതരെ സമീപിച്ചെങ്കിലും നടപടിയുണ്ടായില്ല.

സുലോചന

വാർഡ് മെമ്പർ