കൊ​ല്ലം​:​ ​തിരുവനന്തപുരം യൂണിവേഴ്സിറ്റി കോളേജ് മാതൃകയിൽ കൊല്ലം എസ്.എൻ കോളേജിനെയും മാറ്റുകയെന്ന എസ്.എഫ്.ഐയുടെ ഗൂഢലക്ഷ്യമാണ് കോളേജിൽ നിരന്തരം പ്രശ്നങ്ങളും അക്രമവും ഉണ്ടാക്കുന്നതിന് പിന്നിലെന്ന് സൂചന. വിദ്യാർത്ഥിനികളെ മുന്നിൽ നിറുത്തിയാണ് ഇതിനുള്ള ശ്രമം നടത്തുന്നത്. യൂണിവേഴ്സിറ്റി കോളേജിലേതിന് സമാനമാണ് ഇവിടത്തെ പ്രവർത്തനവും. പെൺകുട്ടികളുമായി സംസാരിക്കുന്ന വിദ്യാർത്ഥികളെ കപടസദാചാരക്കാർ ചമഞ്ഞ് മർദ്ദിക്കുന്നതും പതിവാണ്. മറ്റ് സംഘടനകൾക്കൊന്നും പ്രവർത്തന സ്വാതന്ത്ര്യം നൽകാത്ത എസ്.എഫ്.ഐ പ്രവർത്തകർ കൈത്തരിപ്പ് തീർക്കാൻ സ്വന്തം സംഘടനയിൽപ്പെട്ടവരെപ്പോലും മർദ്ദിച്ച സംഭവങ്ങളും ഉണ്ടായിട്ടുണ്ട്.

ഡി​പ്പാ​ർ​ട്ട്‌​‌​മെ​ന്റു​ക​ൾ​ ​ത​മ്മി​ലു​ള്ള​ ​വി​രോ​ധ​വും​ ​ ഗ്രൂ​പ്പു​ക​ൾ​ ​ത​മ്മി​ലു​ള്ള​ ​പ്ര​ശ്‌​ന​ങ്ങ​ളു​മാ​ണ് ​സംഘർഷത്തിൽ ​ക​ലാ​ശി​ക്കു​ന്ന​തെ​ന്നാ​ണ് ​നേ​താ​ക്ക​ൾ​ ​പറയുന്നത്.​ ​യൂ​ണി​റ്റ് ​ത​ല​ത്തി​ൽ​ ​എ​സ്.​എ​ഫ്.​ഐ​ ​നേ​തൃ​ത്വം​ ​ഹൈ​ജാ​ക്ക് ​ചെ​യ്‌​തി​രി​ക്കു​ന്നത്​ ​ക്രിമി​ന​ൽ​ ​വാ​സ​ന​യു​ള്ള​വ​‌​രാണെന്നും ഇവരാണ്​ ​കൈ​ത്ത​രി​പ്പ് ​തീ​ർ​ക്കാ​ൻ​ ​പ്ര​ശ്‌​ന​ങ്ങ​ൾ​ ​സൃ​ഷ്‌​ടി​ക്കു​ന്നതെ​ന്നുമാണ് ആരോപണം. എസ്.എഫ്.ഐയുടെ പേരിൽ പെൺകുട്ടികളും ഒട്ടും പിന്നിലല്ലാത്ത പ്രവർത്തനമാണ് കാഴ്ചവയ്ക്കുന്നതെന്നാണ് അദ്ധ്യാപകർ പറയുന്നത്. ഒരുകാലത്ത് ആൺകുട്ടികൾ മാത്രം പഠിച്ചിരുന്ന കലാലയത്തിൽ അക്രമം അതിരുകടന്നപ്പോഴാണ് പെൺകുട്ടികൾക്ക് കൂടി പ്രവേശനം നൽകിത്തുടങ്ങിയത്. ഇന്ന് ആൺകുട്ടികളെക്കാൾ പെൺകുട്ടികളുള്ളപ്പോഴാണ് കോളേജിൽ നിരന്തരം പ്രശ്നങ്ങളുണ്ടാകുന്നത്. വെള്ളിയാഴ്ച കോളേജിലുണ്ടായ സംഘർഷത്തിന് നേതൃത്വം നൽകിയത് രണ്ടാംവർഷ ഡിഗ്രി വിദ്യാർത്ഥിനിയായിരുന്നുവത്രെ.

വിദ്യാർത്ഥികളെപ്പോലെ അദ്ധ്യാപകരിലും നല്ലൊരു ശതമാനം വനിതകളാണ്. എന്നാൽ ഇവരെ ഭീഷണിപ്പെടുത്താനും വരുതിയിലാക്കാനും പെൺകുട്ടികൾ തന്നെയാണ് മുന്നിലെന്നും അദ്ധ്യാപകർ പറയുന്നു. കോ​ളേ​ജി​ൽ​ ​സ​മ​ഗ്രാ​ധി​പ​ത്യം​ ​സ്ഥാ​പി​ച്ചെ​ന്ന് ​അ​വ​കാ​ശ​പ്പെ​ടു​ന്ന​ ​എ​സ്.​എ​ഫ്.​ഐ​ ​ഇ​വി​ടെ​ ​എ​തി​രാ​ളി​യെ​ ​തെ​ര​‌​ഞ്ഞു​ന​ട​ക്കുന്നതിനിടെയാണ് ത​മ്മി​ൽ​ ​ത​ല്ലു​ന്ന​ ​കാ​ഴ്‌​ച​യും.​ ​കോ​ളേ​ജി​ലെ​ ​എ​സ്.​എ​ഫ്.​ഐ​ ​ശൈ​ലി​യോ​ട് ​പൊ​രു​ത്ത​പ്പെ​ടാ​നാകാ​ത്ത​തി​ന്റെ​ ​പേ​രി​ൽ​ ​സം​ഘ​ട​നാ​ ​പ്ര​വ​ർ​ത്തനത്തി​ന് ​ഇ​റ​ങ്ങാ​ത്ത​ ​പാ​ർ​ട്ടി​ ​കു​ടും​ബ​ങ്ങ​ളി​ൽ​ ​നി​ന്നെ​ത്തു​ന്ന​ ​വി​ദ്യാ​ർ​ത്ഥി​ക​ൾ​ ​ഭീ​ക​ര​ ​മ​ർ​ദ്ദ​ന​ത്തി​ന് ​വി​ധേ​യ​രാ​യ​ ​സം​ഭ​വ​ങ്ങ​ളും​ ​ഉ​ണ്ടാ​യി​ട്ടു​ണ്ട്.​ ​ഇ​ത് ​സം​ബ​ന്ധി​ച്ച​ ​പ​രാ​തി​ക​ൾ​ ​സി.​പി.​എം​ ​ജി​ല്ലാ​ ​നേതൃത്വം ഇടപെട്ട് ഒതുക്കി തീർക്കുകയാണ് പതിവ്.
ക​ഴി​ഞ്ഞ​ ​വ​ർ​ഷം​ ​എ​സ്.​എ​ഫ്.​ഐ​ക്കാ​ർ​ ​ഇരുചേ​രി​ക​ളി​ലാ​യി​ ​തമ്മിലടിക്കുകയും പിന്നീട് വീ​ട് ​ക​യ​റി​യു​ള്ള​ ​അ​ക്ര​മത്തി​ലേ​ക്ക് ​നീ​ങ്ങി​യ സംഭവവും ഉണ്ടായി​. മ​ങ്ങാ​ട്ടു​ള്ള​ ​ ​വി​ദ്യാ​ർ​ത്ഥി​യെ​ ​വീ​ട്ടിൽകയറി​ ​അ​പാ​യ​പ്പെ​ടു​ത്താ​ൻ​ ​തി​രു​വ​ന​ന്ത​പു​ര​ത്ത് ​നി​ന്നാണ് സംഘമെത്തിയത്. ഇതിനെക്കുറിച്ച് കൊ​ല്ലം​ ​എ.​സി.​പി​ക്ക് ​ര​ഹ​സ്യ​ ​വി​വ​രം​ ​ല​ഭി​ച്ച​തി​ന്റെ​ ​അ​ടി​സ്ഥാ​ന​ത്തി​ൽ​ ​ശ്രമം പാ​ളി​യെ​ന്ന് ​മാ​ത്ര​മ​ല്ല​ ​അ​ർ​ദ്ധ​രാ​ത്രി​ ​ക്വ​ട്ടേ​ഷ​ൻ​ ​സം​ഘ​ത്തെ​ ​വാ​ഹ​ന​വും​ ​ആ​യു​ധ​ങ്ങ​ളും​ ​സ​ഹി​തം​ ​പി​ടികൂടാനും​ ​പൊ​ലീ​സി​ന് ​ക​ഴി​ഞ്ഞു.

ഒരു വർഷം... ശരാശരി 15 കേസുകൾ

കോ​ളേ​ജി​ൽ​ ​ന​ട​ക്കു​ന്ന​ ​അ​ക്ര​മ​ ​സം​ഭ​വ​ങ്ങ​ളി​ൽ​ ​ഓ​രോ​ ​വ​ർ​ഷും​ ​ശ​രാ​ശ​രി​ 15​ ​കേ​സു​വ​രെ​ ​കൊ​ല്ലം​ ​ഈ​സ്‌​റ്ര് ​പൊ​ലീ​സ് ​ര​ജി​സ്‌​റ്റ​ർ​ ​ചെ​യ്യു​ന്നു​ണ്ട്.​ ​രാ​ഷ്‌​ട്രീ​യ​ ​സ്വാ​ധീ​ന​ത്തി​ന് ​വ​ഴ​ങ്ങി​ ​​അ​റ​സ്‌​റ്റി​ന് ​മു​തി​രു​ന്നി​ല്ലെ​ങ്കി​ലും​ ​പി​ൽ​ക്കാ​ല​ത്ത് ​വി​ദ്യാ​ർ​ത്ഥി​ക​ളു​ടെ​ ​ഭാ​വി​യെ​ ​ബാ​ധി​ക്കു​ന്ന​ ​നി​ല​യി​ൽ ​കേ​സു​ക​ൾ​ ​മാ​റു​ന്ന​താണ് പതിവ്.​ ​ വ​ധ​ശ്ര​മം,​​​ ​മാ​ര​ക​മാ​യി​ ​പ​രി​ക്കേ​ൽ​പ്പി​ക്ക​ൽ,​ ​പൊ​ലീ​സി​ന്റെ​ ​കൃ​ത്യ​നി​ർ​വ​ഹ​ണം​ ​ത​ട​സ​പ്പെ​ടു​ത്ത​ൽ,​​​ ​പൊ​തു​മു​ത​ൽ​ ​ന​ശിപ്പിക്കൽ തു​ട​ങ്ങി​യ ജാ​മ്യ​മി​ല്ലാ​ ​ ​വ​കു​പ്പു​ക​ൾ​ ​പി​ൽ​ക്കാ​ല​ത്ത് ​പ​ല​ ​വി​ദ്യാ​ർ​ത്ഥി​ക​ളു​ടെ​യും​ ​ജീ​വി​ത​ത്തെ​ ​താറുമാറാക്കും. ജീവിതത്തിൽ ഒരിടത്തുമെത്താതെ ഇതിന്റെ ദുരനുഭവം പേറുന്ന നിരവധിപേരുണ്ട്. കേ​സു​ക​ളു​ടെ​ ​ബാ​ഹു​ല്യ​വും​ ​ക്ര​മ​സ​മാ​ധാ​ന​ ​പ്ര​ശ്‌​ന​ങ്ങ​ളും​ ​സർവ സീ​മ​ക​ളും​ ​ലം​ഘി​ച്ച​തോ​ടെ​യാ​ണ് ​പ​ല​ ​മാ​നേ​ജ്‌​മെ​ന്റു​ക​ളും​ ​കാ​മ്പ​സ് ​രാ​ഷ്‌​ട്രീ​യം​ ​നി​രോ​ധി​ച്ചു​ള്ള​ ​കോ​ട​തി​ ​വി​ധി​ക​ൾ​ ​സ​മ്പാ​ദി​ച്ച​ത്. എസ്.എൻ കോളേജിലും ഇത്തരം കോടതി വിധി നിലവിലുള്ളപ്പോഴാണ് കാമ്പസിനുള്ളിൽ എസ്.എഫ്.ഐ യുടെ പേരിലുള്ള അഴിഞ്ഞാട്ടം നടക്കുന്നത്.

കോടതിയിൽ നിന്ന് പൊലീസ് സംരക്ഷണം തേടും

കാമ്പസിനുള്ളിൽ പ്രകടനവും രാഷ്ട്രീയ പ്രവർത്തനവും നിരോധിച്ചുകൊണ്ടുള്ള കോടതി വിധി ലംഘിച്ച് എസ്.എഫ്.ഐ നടത്തുന്ന അതിക്രമത്തിനെതിരെ ഹൈക്കോടതിയിൽ കോടതി അലക്ഷ്യഹർജി നൽകാൻ മാനേജ്മെന്റ് നടപടി ആരംഭിച്ചു. അക്രമസംഭവങ്ങളുണ്ടാകുമ്പോൾ കാഴ്ച്ചക്കാരായി നിൽക്കുന്ന പൊലീസിൽ നിന്ന് നീതി ലഭിക്കാത്തതിനാൽ കോളേജിന് പൊലീസ് സംരക്ഷണം നൽകണമെന്ന ആവശ്യവും ഹർജിയിൽ ഉൾപ്പെടുത്തുമെന്ന് അധികൃതർ പറഞ്ഞു.