കൊല്ലം: സാമ്പത്തിക ബുദ്ധിമുട്ട് സ്വപ്‌നങ്ങൾക്ക് വിലങ്ങുതടിയായതോടെ ട്രാക്കിൽ കാലിടറി നിൽക്കുകയാണ് പുനലൂർ സ്വദേശിനി ശ്രീന. ഡിസംബറിൽ മലേഷ്യയിൽ നടക്കുന്ന ഏഷ്യൻ മീറ്റിലേക്ക് യോഗ്യത നേടിയെങ്കിലും പണമില്ലാത്തതിനാൽ പങ്കെടുക്കാൻ സാധിക്കില്ലെന്ന വിഷമം ഉള്ളിലൊതുക്കി പുഞ്ചിരിക്കുകയാണ് ഈ യുവതി.

ഉ​ളി​യ​ക്കോ​വിൽ പ​ഴ​യ​ത്തു​വീ​ട്ടിൽ വി​ജ​യ​മ്മ​യു​ടെ​യും സേ​തു​വി​ന്റെ​യും മ​ക​ളാ​ണ് ശ്രീ​ന (ശ്രീ​ദേ​വി). ഭർ​ത്താ​വ് സ​ജി​യു​ടെ പി​ന്തു​ണ കൊ​ണ്ട് മാ​ത്ര​മാ​ണ് കാ​യി​ക​മേ​ഖ​ല​യി​ലേ​ക്ക് ക​ട​ന്നു​വ​ന്ന​തെന്ന് ശ്രീന അഭിമാനത്തോടെ പറയുന്നു. കൊ​ല്ലം ലാൽ​ബ​ഹ​ദൂർ സ്റ്റേ​ഡി​യ​ത്തിൽ ഷി​ബു ജർ​മ്മ​ന്റെ കീഴിലാണ് പ​രി​ശീ​ല​നം.

 ശ്രീനയുടെ വിജയക്കൊയ്‌ത്ത്

കഴിഞ്ഞ ര​ണ്ട് വർ​ഷ​ത്തി​നി​ടെ നാ​ല് രാ​ജ്യ​ങ്ങ​ളിൽ ന​ട​ന്ന വി​വി​ധ മാ​സ്‌​റ്റേ​ഴ്‌​സ് മീ​റ്റുക​ളിൽ മെ​ഡ​ലു​കളും ഈ മാസം സിം​ഗ​പ്പൂ​രിൽ ന​ട​ന്ന ട്രാ​ക്ക് ആൻഡ് ഫീൽഡ് അ​ത്‌​ല​റ്റി​ക് ചാ​മ്പ്യൻഷി​പ്പിൽ ഒ​രു സ്വർ​ണ്ണ​മെ​ഡൽ ഉൾ​പ്പെ​ടെ അ​ഞ്ച് മെ​ഡ​ലു​കളും കരസ്ഥമാക്കിയതാണ് ശ്രീ​ന​യുടെ നേ​ട്ടം. മ​ത്സ​രി​ച്ച അ​ഞ്ചി​ന​ങ്ങ​ളി​ലും മെ​ഡ​ലു​കൾ നേ​ടി ഹൈ​ജമ്പിൽ സ്വർ​ണ്ണ​വും ട്രി​പ്പിൾ ജമ്പി​ലും 4x100 മീ​റ്റർ റി​ലേ​യിൽ വെ​ള്ളി​യും ലോം​ഗ് ജമ്പി​ലും 400x4 മീ​റ്റർ റി​ലേ​യി​ലും വെ​ങ്ക​ല​വും ക​ര​സ്ഥ​മാ​ക്കി.

ചൈ​ന​യിൽ ന​ട​ന്ന ഏ​ഷ്യൻ മീ​റ്റിൽ മെ​ഡൽ നേ​ടി വേൾ​ഡ് മീ​റ്റി​ന് സ്പെ​യി​നി​ലേ​ക്ക് യോ​ഗ്യ​ത നേ​ടി​യി​രു​ന്നു. പൈ​സ​യു​ടെ കു​വു​മൂ​ലം പോ​കാൻ ക​ഴി​ഞ്ഞി​ല്ല. സർക്കാരിൽ നിന്നോ മറ്റ് സംഘടനകളിൽ നിന്നോ യാതൊരു സഹായവും ഇതുവരെയും ലഭിച്ചിട്ടില്ലെന്ന് ശ്രീനയും ഭർത്താവ് സജിയും പറയുന്നു. പലതവണ സർക്കാരിന് അപേക്ഷ നൽകിയെങ്കിലും തുടർനടപടികളൊന്നും ഉണ്ടായിട്ടില്ലെന്ന പരാതിയും ഇവർക്കുണ്ട്.