കൊ​ട്ടി​യം: വി​ദ്യാർ​ത്ഥിക​ളെ നേ​രാ​യ രീ​തി​യിൽ പ​രി​ശീ​ലി​പ്പി​ക്കാൻ രാ​ഷ്ട്രി​യ പാർ​ട്ടി​ക​ൾ തയ്യാറാവണമെന്ന് ആർച്ച് ബിഷപ്പ് ഡോ.സൂസാപാക്യം ആവശ്യപ്പെട്ടു. കെ.ആർ.എൽ.സി.സി​യു​ടെ മു​പ്പ​ത്തി​നാ​ലാ​മ​ത് ജ​ന​റൽ അ​സം​ബ്ലി​യു​ടെ സ​മാ​പ​ന​ത്തോ​ട​നു​ബ​ന്ധി​ച്ച്‌​ കൊ​ട്ടി​യ​ത്ത് നടത്തിയ വാർ​ത്താ സ​മ്മേ​ള​ന​ത്തി​ലാ​ണ് അ​ദ്ദേ​ഹം ഇ​ക്കാ​ര്യം വ്യ​ക്ത​മാ​ക്കി​യ​ത്. ക​ലാ​ല​യ​ത്തി​ന​ക​ത്ത് രാ​ഷ്ട്രീ​യ പാർ​ട്ടി​ക​ളു​ടെ അ​തി​പ്ര​സ​രം കാ​ര​ണം ല​ക്ഷ്യം നേടാൻ എ​ന്തു​മാ​കാ​മെ​ന്നൊ​രു പ്ര​വ​ണ​ത വി​ദ്യാർ​ത്ഥി സ​മൂ​ഹ​ത്തിൽ വ​ളർ​ന്നു വ​രു​ന്നു. തങ്ങളുടെ ആ​ഗ്ര​ഹ​ങ്ങൾ​ക്കൊ​ത്ത് മാ​താ​പി​താ​ക്കൾ നി​ന്നി​ല്ലെ​ങ്കിൽ ആ​ത്മ​ഹ​ത്യ​യ്​ക്ക് ഒ​രു​ങ്ങു​ന്ന പ്ര​വ​ണ​ത എ​ങ്ങ​നെ​യോ വി​ദ്യാർ​ത്ഥി​കളിൽ ക​ട​ന്നുകൂടി​യി​രി​ക്കു​ന്നു.

സ​ഭ​യെ ത​കർ​ക്കു​ന്ന രീ​തി​യി​ലു​ള്ള വി​ദ്യാ​ഭ്യാ​സ സ​മ്പ്ര​ദാ​യം ന​ട​പ്പി​ലാ​ക്കാ​നാ​ണ് സർ​ക്കാർ ശ്ര​മി​ക്കു​ന്ന​ത്. തീ​ര​ദേ​ശ​ത്തെ പ്ര​ശ്‌​ന​ങ്ങൾ​ക്ക് സ്ഥാ​യി​യാ​യ രീ​തി​യിൽ പ​രി​ഹാ​രം കാ​ണു​വാൻ സർ​ക്കാ​രി​ന് ക​ഴി​യു​ന്നി​ല്ല.എ​ല്ലിൻ ക​ഷ​ണ​ങ്ങ​ളി​ട്ട് പ്രീ​തി​പ്പെ​ടു​ത്തു​ന്ന അ​വ​സ്ഥ​യാ​ണ്.

പൊ​ലീ​സി​ന്റെ മൂ​ന്നാംമു​റ അം​ഗീ​ക​രി​ക്കാൻ ക​ഴി​യി​ല്ല. സർ​ക്കാ​രി​ന്റെ മ​ദ്യ​ന​യ​ത്തോ​ട് യോ​ജി​പ്പി​ല്ല.

കൊ​ല്ലം ബി​ഷ​പ്പ് ഡോ.പോൾ ആന്റ​ണി മു​ല്ല​ശ്ശേ​രി, ഷാ​ജി ജോർ​ജ്, റ​വ.ഡോ. അ​ഗ​സ്റ്റിൻ മു​ള്ളൂർ, ഫാ.ഫ്രാൻ​സി​സ് സേ​വ്യർ താ​ന്നി​ക്കാ​പ​റ​മ്പിൽ, ആന്റണി ആൽ​ബർ​ട്ട്, സ്​മി​താ ബി​ജോ​യ്, ആന്റ​ണി നെ​റോ​ണ, ജെ​യിൻ ആൻ​സിൽ ഫ്രാൻ​സി​സ്, ഫാ.സെ​ബാ​സ്റ്റ്യൻ മിൽ​ട്ടൻ ക​ള​പ്പു​ര​ക്കൽ, ഡെ​ലിൻ ഡേ​വി​ഡ് എ​ന്നി​വർ പ​ത്ര​സ​മ്മേ​ള​ന​ത്തിൽ പ​ങ്കെ​ടു​ത്തു.

അധികാര സ്ഥാനങ്ങളിൽ ജനസംഖ്യാ

ആനുപാതികമായ പങ്ക് വേണം

കൊ​ട്ടി​യം: ത​ദ്ദേ​ശ​സ്വ​യം​ഭ​ര​ണ സ്ഥാ​പ​ന​ങ്ങ​ളു​ടെ പു​നർ ക്ര​മീ​ക​ര​ണ​ത്തിൽ മ​ണ്ഡൽ ക​മ്മി​ഷൻ ശു​പാർ​ശ​കൾ പാ​ലി​ക്ക​ണ​മെ​ന്നും ത​ദ്ദേ​ശ​സ്വ​യം​ഭ​ര​ണ സ്ഥാ​പ​ന​ങ്ങൾ ഉൾ​പ്പെ​ടെ​യു​ള്ള അ​ധി​കാ​ര​ത​ല​ങ്ങ​ളിൽ ജ​ന​സം​ഖ്യാ​നു​പാ​തി​ക​മാ​യി സ​മു​ദാ​യ​ത്തി​ന് പ്രാ​തി​നി​ധ്യം നൽകണമെന്നും കൊ​ട്ടി​യ​ത്ത് സ​മാ​പി​ച്ച കെ.ആർ.എൽ.സി.സി​യു​ടെ മു​പ്പ​ത്തി​നാ​ലാ​മ​ത് ജ​ന​റൽ അ​സം​ബ്ലി​യു​ടെ രാ​ഷ്ട്രി​യ പ്ര​മേ​യ​ത്തിൽ ആവശ്യപ്പെട്ടു. രാ​ഷ്ട്രി​യ പാർ​ട്ടി​കൾ അ​ധി​കാ​രം പ​ങ്കു​വ​യ്​ക്കു​ന്ന വേ​ള​യിൽ സ​മു​ദാ​യ​ത്തെ​ബോ​ധ​പൂർ​വം വി​സ്​മ​രി​ക്കു​ക​യാ​ണ്. ഭ​ര​ണ​ഘ​ട​ന​യു​ടെ ത​ത്വ​ങ്ങൾ​ക്കും ദർ​ശ​ന​ങ്ങൾ​ക്കും വി​രു​ദ്ധ​മാ​യി ഇ​പ്പോൾ ഭാ​ര​ത​ത്തിൽ ന​ട​പ്പി​ലാ​ക്കി കൊ​ണ്ടി​രി​ക്കു​ന്ന സാ​മ്പ​ത്തി​ക ന​ട​പ​ടി​കൾ പിൻ​വ​ലി​ക്ക​ണം. പ്ര​ള​യ​ബാ​ധി​ത പ​ഞ്ചാ​യ​ത്തു​കൾതോ​റും സം​സ്ഥാ​ന മ​ന്ത്രി​മാ​രു​ടെ നേ​തൃ​ത്വ​ത്തിൽ ജ​ന​കീ​യ അ​ദാ​ല​ത്തു​കൾ സം​ഘ​ടി​പ്പി​ക്ക​ണം.വൻ​കി​ട​ക്കാ​രെ ഒ​ഴി​വാ​ക്കി കൊ​ണ്ട് സാ​ധാ​ര​ണ​ക്കാ​രാ​യ ഗാർ​ഹി​ക ഉ​പ​ഭോ​ക്താ​ക്ക​ളു​ടെ മേൽ അ​ടി​ച്ചേൽ​പ്പി​ച്ച വൈ​ദ്യു​തി ചാർ​ജ് വർ​ധ​ന പിൻ​വ​ലി​ക്ക​ണം. ക​ലാ​ല​യ​ങ്ങൾ കേ​ന്ദ്രീ​ക​രി​ച്ചു ന​ട​ക്കു​ന്ന അ​ക്ര​മ രാ​ഷ്ട്രീ​യ​ത്തിൽ ആ​ശ​ങ്ക​യു​ണ്ട്. കോ​വിൽ തോ​ട്ട​ത്ത് ക​രി​മ​ണൽ ഘ​ന​ന​ത്തെ തു​ടർ​ന്ന് ഒ​ഴി​ഞ്ഞു പോ​യ​വ​രെ പു​ന​ര​ധി​വ​സി​പ്പി​ക്കാൻ സ​മ​ഗ്ര പാ​ക്കേ​ജ് വേ​ണം.കെ.എ.എ​സി​ന്റെ മൂ​ന്ന് സ്​ട്രീ​മു​ക​ളി​ലും സം​വ​ര​ണം ഏർ​പ്പെ​ടു​ത്തി​യ കേ​ര​ള സർ​ക്കാ​രി​നെ സ​മ്മേ​ള​നം അ​ഭി​ന​ന്ദി​ക്കു​ക​യും ചെ​യ്​തു.