മോ​ട്ടോർ​ വാ​ഹ​ന​വ​കു​പ്പ് പ​രി​ശോ​ധ​ന കർ​ശ​ന​മാ​ക്ക​ണമെന്ന് ആവശ്യം

പ​ടി. ക​ല്ല​ട : സ്​കൂൾ കു​ട്ടി​ക​ളു​ടെ അ​മി​ത​വേ​ഗ​ത്തി​ലു​ള്ള ബൈ​ക്ക് യാ​ത്ര നാ​ട്ടു​കാ​രിൽ ഭീ​തി ഉ​ണർ​ത്തു​ന്നു. പ​ടി​ഞ്ഞാ​റേ ​ക​ല്ല​ട ഗ​വൺ​മെന്റ് ഹ​യർ സെ​ക്ക​ൻഡറി സ്​കൂ​ളിൽ ദൂ​ര​സ്ഥ​ല​ങ്ങ​ളിൽ നി​ന്ന് വ​രു​ന്ന മി​ക്ക കു​ട്ടി​ക​ളും ബൈ​ക്കു​ക​ളി​ലാ​ണ് എ​ത്താ​റു​ള്ള​ത്. ഒ​രു ബൈ​ക്കിൽ മൂ​ന്നും നാ​ലും കു​ട്ടി​ക​ൾ ഒ​രേ​സ​മ​യം യാ​ത്ര ചെ​യ്​തു വ​രു​ന്ന കാഴ്ച്ചയും ഇവിടെ കാണാനാകും. ശാ​സ്​താം​കോ​ട്ട പൊ​ലീ​സും മോ​ട്ടോർ വാ​ഹ​ന വ​കു​പ്പും ബൈക്കുകളിൽ അമിത വേഗതയിൽ പായുന്നവരെ പിടികൂടാൻ അ​ടി​യ​ന്ത​ര ശ്ര​ദ്ധ ചെ​ലു​ത്ത​ണമെന്നാ​ണ് നാ​ട്ടു​കാ​രു​ടെ ആ​വ​ശ്യം.

സ്കൂൾ പരിസരത്തേക്കുള്ള റോഡുകളിൽ വാഹന പരിശോധന കർശനമാക്കും. കുട്ടികൾക്ക് സ്കൂളിൽ ബോധവൽക്കരണ ക്ലാസ് സംഘടിപ്പിക്കും.

ശാസ്താംകോട്ട സർക്കിൾ ഇൻസ്പെക്ടർ വി.എസ്. പ്രശാന്ത്

അമിതവേഗത

അ​മി​ത​വേ​ഗ​ത്തിൽ ക​ട​പു​ഴ കാ​രാ​ളി​മു​ക്ക് റോ​ഡി​ലൂ​ടെ​യും കാ​രാ​ളി​മു​ക്ക് വ​ള​ഞ്ഞ വ​ര​മ്പ് തോ​ട്ട​ത്തിൽ ക​ട​വ് റോ​ഡി​ലൂ​ടെ​യു​മാ​ണ് രാ​വി​ലെ​യും വൈകിട്ടും വിദ്യാർത്ഥികളുടെ പ​ര​ക്കം​പാ​ച്ചിൽ. കു​ണ്ടും കു​ഴി​യും നി​റ​ഞ്ഞ റോ​ഡി​ലൂ​ടെ ഹെൽ​മ​റ്റ് പോ​ലും ധ​രി​ക്കാ​തെ​യു​ള്ള യാ​ത്ര മ​റ്റു വാ​ഹ​ന​യാ​ത്ര​ക്കാർ​ക്കും കാൽ​ന​ട​യാ​ത്ര​ക്കാർ​ക്കും ഒ​രു​പോ​ലെ ഭീ​ഷ​ണി​യാ​ണ്.