കൊ​ട്ടി​യം: ആശുപത്രി മാലിന്യവും അറവുമാലിന്യവും നിറഞ്ഞ അയത്തിൽ ആറ് വൃത്തിയാക്കാത്ത അധികൃതരുടെ നടപടിയിൽ പ്രതിഷേധിച്ച് കോൺഗ്രസ് മണക്കാട്, കിളികൊല്ലൂർ മണ്ഡലം പ്രവർത്തകർ കോർപ്പറേഷൻ വടക്കേവിള സോണൽ ഓഫീസിലെ ഹെൽത്ത് ഇൻസ്പെക്ടർ ഓഫീസിലേക്ക് തള്ളിക്കയറി. മാലിന്യനിക്ഷേപം രൂക്ഷമായതോടെ അ​യ​ത്തിൽ ​ആ​റി​ന് സ​മീ​പം അ​യ​ത്തിൽ ജം​ഗ്​ഷ​ന് തെ​ക്കു​വ​ശം താ​മ​സി​ക്കു​ന്ന പ​ത്തോ​ളം കു​ടും​ബ​ങ്ങൾ ഏറെ നാളായി പകർച്ചവ്യാധി ഭീഷണിയിലാണ്.

പ്രതിഷേധക്കാരുമായി ചർച്ച നടത്തിയ ഹെൽത്ത് ഇൻസ്പെക്ടറുടെ നേതൃത്വത്തിലുള്ള ഉദ്യോഗസ്ഥ സംഘം സ്ഥലം സന്ദർശിച്ച് സ്ഥിതിഗതികൾ വിലയിരുത്തി.

ആ​റി​ന് സമീപം അ​റ​വു​മാ​ടു​ക​ളു​ടെ അ​വ​ശി​ഷ്ട​ങ്ങ​ളും അ​ഴു​കി​യ മാം​സാ​വി​ഷ്ട​ങ്ങ​ളും ക​ണ്ടെ​ത്തി. രൂ​ക്ഷ​മാ​യ ദുർ​ഗ​ന്ധം മൂ​ലം മാ​സ്​ക് ധ​രി​ച്ചാ​ണ് ഉ​ദ്യോ​ഗ​സ്ഥ സം​ഘം സ്ഥലം സന്ദർശിക്കാനെത്തിയത്. പ്ര​ശ്‌​ന​ത്തി​ന് അ​ടി​യ​ന്തര​മാ​യി പ​രി​ഹാ​രം കാ​ണു​മെ​ന്നും അയത്തിൽ ആറിനെ മ​ലി​ന​മാ​ക്കു​ന്ന​വരെ കണ്ടെത്തി നോ​ട്ടീ​സ് നൽ​കു​മെ​ന്നും ഹെൽ​ത്ത് ഇൻ​സ്‌​പെ​ക്ടർ സാ​ബു പ​റ​ഞ്ഞു.

എ.എ​ച്ച്.ഐമാ​രാ​യ​ വി​നോ​ദ് ബാ​ല​കൃ​ഷ്​ണൻ, ഷാ​ജൻ എ​ന്നി​വ​രു​ടെ നേ​തൃ​ത്വ​ത്തി​ലു​ള്ള സം​ഘ​മാ​ണ് സ്ഥ​ലം സ​ന്ദർ​ശി​ച്ചത്. കോൺ​ഗ്ര​സ് മ​ണ​ക്കാ​ട് മ​ണ്ഡ​ലം പ്ര​സി​ഡന്റ് പാ​ല​ത്ത​റ രാ​ജീ​വ് മൈ​നോ​റി​റ്റി വി​ഭാ​ഗം ജി​ല്ലാ ഭാ​ര​വാ​ഹി​ക​ളാ​യ ന​വാ​സ് റ​ഷാ​ദി, അ​യ​ത്തിൽ നി​സാം, ഷ​ഹാൽ കി​ഴ​ക്ക​ടി, കോൺ​ഗ്ര​സ് കി​ളി​കൊ​ല്ലൂർ മ​ണ്ഡ​ലം പ്ര​സി​ഡന്റ് സ​ക്കീർ ഹു​സൈൻ, ചെ​മ്പ​ടീ നി​സാം, അ​ഫ്‌​സൽ ബാ​ദു​ഷ, ഉ​നൈ​സ് പ​ള്ളി​മു​ക്ക്, നെ​ജി​ മ​ണ​ക്കാ​ട്, അ​സീമു​ദ്ദീൻ, സു​ബൈർ തു​ണ്ടു​വി​ള തു​ട​ങ്ങി​യ​വർ പ്ര​തി​ഷേ​ധ​ത്തി​ന് നേ​തൃ​ത്വം നൽ​കി.