കൊ​ട്ടി​യം: വൈ​ദ്യു​തി നി​ര​ക്ക് വർദ്ധ​ന​യി​ലൂ​ടെ ജ​ന​ങ്ങ​ളെ കൊ​ള്ള​യ​ടി​ക്കാ​നാ​ണ് ഇ​ട​ത് സർ​ക്കാ​രി​ന്റെ ശ്ര​മ​മെ​ന്ന് കെ.പി.സി.സി സെ​ക്ര​ട്ട​റി ഷാ​ന​വാ​സ് ഖാൻ പറഞ്ഞു. വൈ​ദ്യു​തി നി​ര​ക്ക് വർ​ദ്ധ​ന​യ്‌​ക്കെ​തി​രെ യു​.ഡി​.എ​ഫ് കൊ​ട്ടി​യം വെ​സ്റ്റ്, മ​യ്യ​നാ​ട് മ​ണ്ഡ​ലം ക​മ്മി​റ്റി​കളുടെ നേതൃത്വത്തിൽ കൊ​ട്ടി​യം വൈ​ദ്യു​തി ഓ​ഫീ​സി​ലേ​ക്ക് ന​ട​ത്തി​യ മാർ​ച്ചും ധർ​ണ​യും ഉ​ദ്​ഘാ​ട​നം ചെ​യ്യുകയായിരുന്നു അ​ദ്ദേ​ഹം.

ഇ​ട​ത് സർ​ക്കാ​രി​ന്റെ ജ​ന​ദ്രോ​ഹ ന​ട​പ​ടി​കൾ​ക്കെ​തി​രെ ജ​ന​ങ്ങൾ ക​ഴി​ഞ്ഞ പൊ​തുതി​ര​ഞ്ഞെ​ടു​പ്പിൽ ശ​ക്ത​മാ​യി പ്ര​തി​ക​രി​ച്ചി​ട്ടും തി​രു​ത്തൽ വ​രു​ത്തി​ല്ലെ​ന്ന നി​ല​പാ​ടാ​ണ് പി​ണ​റാ​യി വി​ജ​യ​ന്റേ​ത്. വൈ​ദ്യു​തി ചാർ​ജും വെ​ള്ള​ക്ക​ര​വും അ​ട​ക്കം വർ​ദ്ധി​പ്പി​ച്ച് സർ​ക്കാർ ജ​ന​ങ്ങ​ളെ സർക്കാർ വെ​ല്ലു​വി​ളി​ക്കു​ക​യാ​ണ്. നി​ത്യോ​പ​യോ​ഗ സാ​ധ​ന​ങ്ങ​ളു​ടെ വി​ല​ക്ക​യ​റ്റ​ത്തിൽ ന​ട്ടം തി​രി​യു​ന്ന ജ​ന​ങ്ങ​ളെ ന​ടു​ക്ക​ട​ലി​ലേ​ക്ക് ത​ള്ളി​യി​ടു​ന്ന​താ​ണ് വൈ​ദ്യു​ത ചാർ​ജ് വർദ്ധ​ന​വെ​ന്നും ഷാ​ന​വാ​സ്​ഖാൻ പ​റ​ഞ്ഞു.

കോൺ​ഗ്ര​സ് കൊ​ട്ടി​യം വെ​സ്റ്റ് മ​ണ്ഡ​ലം പ്ര​സി​ഡന്റ് മു​ഹ​മ്മ​ദ് റാ​ഫി അ​ദ്ധ്യ​ക്ഷ​ത വഹിച്ചു. ഡി.സി.സി വൈ​സ് പ്ര​സി​ഡന്റ് എ​സ്. വി​പി​ന​ച​ന്ദ്രൻ, മു​സ്ലിം ലീ​ഗ് നേ​താ​ക്ക​ളാ​യ ഉ​മ​യ​ന​ല്ലൂർ ഷി​ഹാ​ബു​ദ്ദീൻ, സു​ധീർ കി​ട​ങ്ങിൽ, ആർ.എ​സ്.പി നേ​താ​ക്ക​ളാ​യ ഡോ. ശ​ശീ​ന്ദ്ര ബാ​ബു, ചി​താ​ന​ന്ദൻ, കോൺ​ഗ്ര​സ് മ​യ്യ​നാ​ട് മ​ണ്ഡ​​ലം പ്ര​സി​ഡന്റ് പി. ലി​സ്റ്റൻ, പ​ഞ്ചാ​യ​ത്തം​ഗ​ങ്ങ​ളാ​യ എം. നാ​സർ, അ​നീ​ഷ സ​ലിം, കോൺ​ഗ്ര​സ് ബ്ലോ​ക്ക് വൈ​സ് പ്ര​സി​ഡന്റ് സി.കെ. അ​ജ​യ​കു​മാർ, കെ. ബി​ഷ​ഹാൽ, ബി. ശ​ങ്ക​ര​നാ​രാ​യ​ണ​പി​ള്ള, പി.കെ. രാ​ജു, കെ. നാ​സർ, പ​റ​ക്കു​ളം സ​ലാം, ക്രി​സ്റ്റി വിൽ​ഫ്ര​ഡ് തു​ട​ങ്ങി​യ​വർ സംസാരിച്ചു.