പൊ​ലീ​സ് പട്രോ​ളിംഗ് ശ​ക്ത​മാ​ക്ക​ണമെന്ന് പ്രദേശവാസികൾ

പ​ടി​ഞ്ഞാ​റേ ക​ല്ല​ട: ക​ല്ല​ട​യാ​റ്റിൽ നി​ന്ന് രാ​ത്രി​യിൽ വൻ​തോ​തിൽ മണലൂറ്റും ചെ​ളി​ വാരലും നടക്കുന്നതായി നാട്ടുകാരുടെ പ​രാ​തി. ക​ണ്ണ​ങ്കാ​ട്ട് ക​ട​വി​നും മു​തി​ര​പ്പ​റ​മ്പി​നും ഇ​ട​യി​ലു​ള്ള ഭാ​ഗ​ങ്ങ​ളിലാണ് വ്യാപകമായി മണലൂറ്റും ചെളി വാരലും നടക്കുന്നത്. ഇ​വ മ​ൺറോത്തു​രു​ത്തി​ലെ പ​രി​സ​ര​ങ്ങ​ളി​ലും കൊ​ല്ലം കാ​വ​നാ​ട് ഭാ​ഗ​ങ്ങ​ളി​ലും വ​ള്ള​ങ്ങ​ളിൽ കൊ​ണ്ടു​പോ​യി വൻ വി​ല​യ്​ക്ക് വിൽ​ക്കു​ന്നുണ്ടെന്ന് പ്രദേശവാസികളിൽ ചിലർ പറയുന്നു. സർ​ക്കാർ ല​ക്ഷ​ങ്ങൾ ചെ​ല​വ​ഴി​ച്ച് ക​ല്ല​ട​യാ​റ്റി​ന്റെ ഇ​രു​ക​ര​ക​ളി​ലും പാ​റ കൊ​ണ്ട് നിർ​മ്മി​ച്ച ഭി​ത്തി​ മി​ക്ക ​സ്ഥ​ല​ങ്ങ​ളി​ലും ഇ​ടി​ഞ്ഞു പോ​യി​ട്ടു​ണ്ട്. ശാ​സ്​താം​കോ​ട്ട, കി​ഴ​ക്കേ​ ക​ല്ല​ട പൊ​ലീ​സ് സ്റ്റേ​ഷ​നു​ക​ളു​ടെ പ​രി​ധി​യിൽ വ​രു​ന്ന ക​ല്ല​ട​യാറ്റിന്റെ ഈ ഭാ​ഗ​ങ്ങ​ളിൽ രാ​ത്രി​കാ​ല പ​ട്രോ​ളിംഗ് ശ​ക്ത​മാ​ക്ക​ണം എ​ന്നാ​ണ് പ്രദേശവാസികളുടെ ആ​വ​ശ്യം.

പ്രളയത്തിൽ അടിഞ്ഞ് കൂടിയ മണൽ

ക​ഴി​ഞ്ഞ വർ​ഷമു​ണ്ടാ​യ പ്ര​ള​യ​ത്തിൽ ക​ല്ല​ട​യാ​റ്റി​ലെ പ​ല​ ഭാ​ഗ​ങ്ങ​ളി​ലും ചെ​ളി​യും മ​ണ​ലും അ​ടി​ഞ്ഞു​കൂ​ടി​യി​ട്ടുണ്ട്. അർ​ദ്ധരാ​ത്രി വ​ള്ള​ങ്ങ​ളിൽ സംഘങ്ങളായെത്തിയാണ് ക​ര​യോ​ട് ചേർ​ന്ന് കി​ട​ക്കു​ന്ന സ്ഥ​ല​ങ്ങ​ളിൽ നി​ന്ന് അനധികൃതമായി മണലൂറ്റുന്നത്.