ഓയൂർ: കോഴിക്കോട് എൻ.ജെ.പി.എം എൽ.പി സ്കൂൾ വിവിധ റോക്കറ്റുകളുടെ മാതൃകകൾ നിർമ്മിച്ച് ചാന്ദ്രദിനം ആചരിച്ചു. പി.ടി.എ പ്രസിഡന്റ് മോഹൻഗിരീഷ് പരിപാടി ഉദ്ഘാടനം ചെയ്തു. ചാർട്ടുകൾ, ചാന്ദ്രയാത്രികരെക്കുറിച്ചുള്ള വിവരങ്ങൾ എന്നിവ ചേർത്ത് ചാന്ദ്രപ്രദർശനം, ചാന്ദ്രയാത്രികരുടെ വീഡിയോയും പ്രദർശനവും എന്നിവ നടന്നു. വിജി, സ്റ്റാഫ് സെക്രട്ടറി സിനി ജോൺ എന്നിവർ സംസാരിച്ചു.