കൊല്ലം: സംസ്ഥാന സർവീസിൽ വർഷങ്ങളായി ജോലി ചെയ്യുന്ന കാഷ്വൽ സ്വീപ്പർമാരെ പാർട്‌ടൈം സ്വീപ്പർമാരായി നിയമിക്കണമെന്നാവശ്യപ്പെട്ട് കേരള എൻ.ജി.ഒ യൂണിയന്റെ നേതൃത്വത്തിൽ ജീവനക്കാർ കൊല്ലം സിവിൽ സ്റ്റേഷന് മുന്നിൽ ധർണ നടത്തി. യൂണിയൻ സംസ്ഥാന സെക്രട്ടേറിയറ്റ് അംഗം ബി. അനിൽകുമാർ ഉദ്ഘാടനം ചെയ്‌തു. യൂണിയൻ ജില്ലാ വൈസ് പ്രസിഡന്റ് ബി. പ്രശോഭദാസ് അദ്ധ്യക്ഷത വഹിച്ചു. യൂണിയൻ സംസ്ഥാന കമ്മിറ്റി അംഗങ്ങളായ സി.എസ്. ശ്രീകുമാർ, എസ്. ഓമനക്കുട്ടൻ, ജി. ധന്യ, പി. ഉഷാകുമാരി, ബി. സുധർമ്മ, ജില്ലാ ജോയിന്റ് സെക്രട്ടറി വി.ആർ. അജു, സിവിൽ സ്റ്റേഷൻ ഏരിയാ സെക്രട്ടറി ഖുശീ ഗോപിനാഥ്, എന്നിവർ സംസാരിച്ചു.