samskara-photo
കേ​ര​ള സം​ഗീ​ത​നാ​ട​ക അ​ക്കാ​ഡ​മി​യു​ടെ നേതൃത്വത്തിൽ പാരിപ്പള്ളി സംസ്കാരയിൽ സംഘടിപ്പിച്ച കഥാപ്രസംഗോത്സവം കെ.വി. മോഹൻകുമാർ ഉദ്ഘാടനം ചെയ്യുന്നു

പാ​രി​പ്പ​ള്ളി: ക​ഥാ​പ്ര​സം​ഗം എ​ന്നും സാ​ധാ​ര​ണ​ക്കാ​ര​ന്റെ ക​ല​യാ​യി​രു​ന്നുവെന്ന് വ​യ​ലാർ അ​വാർ​ഡ് ജേ​താ​വ് കെ.​വി.​ മോ​ഹൻ​കു​മാർ പറഞ്ഞു. കേ​ര​ള സം​ഗീ​ത​നാ​ട​ക അ​ക്കാ​ഡ​മി​യു​ടെ നേതൃത്വത്തിൽ പാരിപ്പള്ളി സംസ്കാരയിൽ സംഘടിപ്പിച്ച കഥാപ്രസംഗോത്സവം ഉ​ദ്​ഘാ​ട​നം ചെ​യ്യുകയായിരുന്നു അദ്ദേഹം.

ക​ല​യും സാ​ഹി​ത്യ​വും സാ​ധാ​ര​ണ​ക്കാ​ര​ന് അ​പ്രാ​പ്യ​മാ​യി​രു​ന്ന കാ​ല​ത്ത് ശ്രീ​നാ​രാ​യ​ണ ഗു​രു​ദേ​വ​നാ​ണ് ല​ളി​ത​വും ശു​ദ്ധ​വു​മാ​യ ഭാ​ഷ​യിൽ അ​ക്ഷ​രാ​ഭ്യാ​സം ഇ​ല്ലാ​ത്ത​വർ​ക്ക് പോ​ലും മ​ന​സി​ലാ​കു​ന്ന രീ​തി​യിൽ ക​ഥാ​പ്ര​സം​ഗം അ​വ​ത​രി​പ്പി​ക്ക​ണ​ണമെ​ന്ന് നിർ​ദ്ദേ​ശി​ച്ച​ത്. ഡോ. പൽ​പ്പു​വി​ന്റെ കാർ​മ്മി​ക​ത്വ​ത്തിൽ സി.​ഐ. സ​ത്യ​ദേ​വ​നാ​ണ് കു​മാ​ര​നാ​ശാ​ന്റെ ച​ണ്ഡാ​ല​ഭി​ക്ഷു​കി 1921​ൽ ക​ഥാ​പ്ര​സം​ഗ​മാ​യി അ​വ​ത​രി​പ്പി​ച്ചത്. വി​ശ്വ​സാ​ഹി​ത്യ​ത്തി​ലെ​യും ഭാ​ര​തീ​യ ഇ​തി​ഹാ​സ​ങ്ങ​ളി​ലെ​യും ക​ഥ​കൾ പിൽ​ക്കാ​ല​ത്ത് ക​ഥാ​പ്ര​സം​ഗ​മാ​യി രൂ​പാ​ന്ത​ര​പ്പെ​ട്ട​തി​നാൽ പ​ള്ളി​ക്കൂ​ട​ത്തിൽ പോ​കാൻ ഭാ​ഗ്യം സി​ദ്ധി​ക്കാ​ത്ത​വർ​ക്ക് പോ​ലും അ​തൊ​ക്കെ കേൾ​ക്കാ​നും മ​ന​സി​ലാ​ക്കാ​നും ക​ഴി​ഞ്ഞുവെന്നും അദ്ദേഹം പറഞ്ഞു.
സമ്മേളനത്തിൽ കേ​ര​ള സം​ഗീ​ത നാ​ട​ക അ​ക്കാ​ഡ​മി ഉ​പാ​ദ്ധ്യ​ക്ഷൻ സേ​വ്യർ പുൽ​പ്പാ​ട് അ​ദ്ധ്യ​ക്ഷ​ത വ​ഹി​ച്ചു. അ​ക്കാ​ഡമി സെ​ക്ര​ട്ട​റി എൻ. രാധാ​കൃ​ഷ്​ണൻ​ നാ​യർ, ക​ല്ലു​വാ​തു​ക്കൽ ഗ്രാ​മ​പ​ഞ്ചാ​യ​ത്ത് പ്ര​സി​ഡന്റ് പി. അം​ബി​ക​കു​മാ​രി, ജി​ല്ലാ പ​ഞ്ചാ​യ​ത്ത് സ്ഥി​രം സ​മി​തി അ​ദ്ധ്യക്ഷൻ വി. ജ​യ​പ്ര​കാ​ശ്, ഇ​ത്തി​ക്ക​ര ബ്ലോ​ക്ക് പ​ഞ്ചാ​യ​ത്തം​ഗം എ. സു​ന്ദ​രേ​ശൻ, ക​ല്ലു​വാ​തു​ക്കൽ ഗ്രാ​മ​പ​ഞ്ചാ​യ​ത്ത് അം​ഗം കു​ള​മ​ട സോ​മൻ, അ​ക്കാ​ഡമി നിർ​വാ​ഹ​ക​സ​മി​തി അം​ഗ​ങ്ങ​ളാ​യ ഫ്രാൻ​സി​സ് ടി. മാ​വേ​ലി​ക്ക​ര, വി.​ഡി. പ്രേ​മ​പ്ര​കാ​ശ്, ജ​ന​റൽ കൗൺ​സിൽ അം​ഗം മുഖത്ത​ല ശി​വ​ജി, സം​സ്​കാ​ര സെ​ക്ര​ട്ട​റി കെ. പ്ര​വീൺ​കു​മാർ എ​ന്നി​വർ സം​സാ​രി​ച്ചു. തു​ടർ​ന്ന് വി.​എ​സ്.​ ഖാ​ണ്ഡേ​ക്ക​റു​ടെ നോ​വൽ 'യ​യാ​തി' കാ​ഥി​കൻ പു​ളി​മാ​ത്ത് ശ്രീ​കു​മാർ അ​വ​ത​രി​പ്പി​ച്ചു.

ഇ​ന്ന് കേ​ര​ള സർ​ക്കാ​രി​ന്റെ വ​ജ്ര​ജൂ​ബി​ലി ഫെ​ലോ​ഷി​പ്പ് ആർ​ട്ടി​സ്റ്റ് ജി.എസ്. മേ​ഘ 'ഞ​ങ്ങൾ ഭാ​ര​തീ​യർ' എ​ന്ന ക​ഥ​യും പ്രൊ​ഫ. ചി​റ​ക്ക​ര സലിംകു​മാർ 'ആ​യി​ഷ' എ​ന്ന ക​ഥ​യും അ​വ​ത​രി​പ്പി​ക്കും.