കൊല്ലം: കുതിരകൾക്ക് ഗർഭമുണ്ടോയെന്നറിയാൻ എന്താണ് മാർഗം!. തന്റെ നാല് കു​തി​ര​കൾക്ക് ഗർഭമുണ്ടോ ഇല്ലയോ എന്ന് സ്ഥിരീകരിക്കാനായി കഴിഞ്ഞ ഏതാനും മാസങ്ങളായി ശൂ​ര​നാ​ട് പ​താ​രം തുണ്ടിൽ വീട്ടിൽ റ​ഷീ​ദ് വലയുകയാണ്. റാ​ണി​, സാന്റി,​ റി​യ, മീ​നാക്ഷി എന്നീ കുതിരകൾ ഗർഭിണിയാണോ എന്നറിയാൻ സാ​ധാ​ര​ണയായി ന​ടത്തുന്ന പരി​ശോ​ധ​ന​കളെല്ലാം നടത്തി. എന്നാൽ പരിശോധന കൃ​ത്യ​മല്ലാത്തതിനാൽ റ​ഷീ​ദിന് ആ​റു​ മാസം കാത്തിരിക്കേണ്ടി വന്നു. ഒടുവിൽ കാ​ത്തി​രി​പ്പി​നു വി​രാ​മ​മാ​യി. നാല് കുതിരകളും അ​മ്മ​മാ​ര​ല്ലെ​ന്നു തെ​ളിഞ്ഞു. സാ​ധാ​ര​ണ ഗ​തിയിൽ പെൺ കു​തി​ര​ക​ളു​ടെ ഗർ​ഭ​കാ​ലം 320 മു​തൽ 362 ദിവ​സം വ​രെ​യാണ്. ഇ​ക്കാ​ല​യ​ള​വിൽ പൊ​തു​വേ കുതിരകളുടെ ഗർ​ഭ​പരി​ശോ​ധ​ന വളരെ ബു​ദ്ധി​മു​ട്ടാണ്. കൈ​യുറ​കൾ ഉ​പ​യോ​ഗി​ച്ച് ഗർ​ഭപാ​ത്ര പ്രത​ലം പരി​ശോ​ധി​ക്കാൻ കു​തി​ര​കൾ പ​ല​പ്പോഴും സ​മ്മ​തി​ക്കാ​റില്ല. കുത​റിച്ചാ​ടിയും തൊ​ഴിച്ചും അ​വർ പരി​ശോ​ധക​രെ ഒ​ഴി​വാ​ക്കുകയാണ് പതിവ്. അങ്ങ​നെ വി​ഫ​ലമാ​യ പരി​ശോ​ധ​ന​കൾ​ക്കൊ​ടു​വി​ലാ​ണ് റ​ഷീ​ദ് കൊല്ലം ജില്ലാ വെ​റ്ററിന​റി കേ​ന്ദ്ര​ത്തെ സ​മീ​പി​ച്ചത്. തുടർന്ന് ടെ​ലി ​വെ​റ്റ​റിന​റി സർവീസ് യൂ​ണി​റ്റ് പ​താ​ര​ത്തെ​ത്തി കു​തി​രക​ളെ വി​വി​ധ​ ത​രം പരി​ശോ​ധന​കൾക്ക് വിധേയമാക്കി. അൽ​ട്രാ സൗ​ണ്ട് സ്​കാ​നിംഗ്, പോർ​ട്ടബിൾ എ​ക്‌​സിറേ, പാൽ​പേ​ഷൻ തു​ടങ്ങി​യ മാർ​ഗ​ങ്ങ​ളി​ലൂടെ​യാ​ണ് കുതിരകൾക്ക് ഗർ​ഭ​മില്ല എ​ന്ന് സ്ഥി​രീക​രി​ച്ചത്. കു​തി​ര​ക​ളു​ടെ ആ​രോഗ്യ പരിശോധനയ്ക്കായി ര​ക്ത​സാ​മ്പി​ളു​കളും ശേ​ഖ​രി​ച്ചി​ട്ടുണ്ട്. സർ​ജൻ​മാരായ ഡോ. അ​ജി​ത്​പി​ള്ള, ഡോ. ആ​ര്യ സു​ലോ​ചനൻ, ഡോ. ആ​രതി, ഡോ. ജാ​സ്മി, ന​ന്ദ​ന എ​ന്നി​വരാണ് പരി​ശോ​ധ​ന​കൾ​ക്ക് നേ​തൃത്വം നൽകിയത്.