പ​ടി​ഞ്ഞാ​റേ​ക​ല്ല​ട: പ​ടി​ഞ്ഞാ​റേ​ ക​ല്ല​ട​യ്​ക്കും മൺ​റോ തു​രു​ത്തി​നും കി​ഴ​ക്കേ ​ക​ല്ല​ട​യ്​ക്കും ഒ​രു​പോ​ലെ പ്ര​യോ​ജ​ന​പ്പെ​ട്ടി​രു​ന്ന കൊ​ല്ലം മു​തി​ര​പ്പ​റ​മ്പ് ബോ​ട്ട് സർ​വീ​സ് പു​ന​രാ​രം​ഭി​ക്ക​ണമെന്ന നാട്ടുകാരുടെ ആവശ്യം ശക്തമാകുന്നു. ഇവിടത്തെ ബോട്ട് സർവീസ് നി​ല​ച്ചി​ട്ട് വർ​ഷ​ങ്ങ​ളാ​വുന്നു. ദേ​ശീ​യ​പാ​ത​യിൽ ക​ട​പു​ഴ പാ​ല​ത്തി​നോ​ട് ചേർ​ന്ന് ഒ​രു കോ​ടി രൂ​പ​യി​ല​ധി​കം ചെല​വ​ഴി​ച്ച് നിർ​മ്മി​ക്കു​ന്ന ടൂ​റി​സം ഫെ​സി​ലി​റ്റേ​ഷൻ സെന്റ​റി​ന്റെ നിർ​മ്മാ​ണം അ​വ​സാ​ന ​ഘ​ട്ട​ത്തി​ലാ​ണ്. ഇ​വി​ടെ ഇ​പ്പോ​ഴും ബോ​ട്ട് ജെ​ട്ടി​ ഉ​ണ്ട്. മുൻ​കാ​ല​ങ്ങ​ളിൽ കൊ​ല്ല​ത്ത് നി​ന്ന് ക​ട​പു​ഴ വ​രെ​യാ​യി​രു​ന്നു ബോ​ട്ട് സർ​വീ​സ്. കൊ​ല്ല​ത്തു ​നി​ന്ന് മു​തി​രപ്പ​റ​മ്പ് വ​രെ സർ​വീ​സ് ന​ട​ത്തി​യി​രു​ന്ന ബോ​ട്ട് ക​ട​പു​ഴ വ​രെ ദീർ​ഘി​പ്പി​ച്ചാൽ മൺ​റോ ​തു​രു​ത്തി​ലും ക​ല്ല​ട​യി​ലും എ​ത്തു​ന്ന ടൂ​റി​സ്റ്റു​കൾക്ക് കു​റ​ഞ്ഞ ചെ​ല​വിൽ ഇ​വി​ടെ എ​ത്തി​ച്ചേ​രാൻ സാ​ധി​ക്കും. ബോ​ട്ട് സർ​വീ​സ് എ​ത്ര​യും​ പെട്ടെന്ന് പു​ന​രാ​രം​ഭി​ക്കാനുള്ള ന​ട​പ​ടി ബ​ന്ധ​പ്പെ​ട്ട അ​ധി​കൃതരുടെയും ജ​ന​പ്ര​തി​നി​ധി​ക​ളു​ടെ​യും ഭാ​ഗ​ത്തു​നി​ന്ന് ഉ​ണ്ടാ​ക​ണമെ​ന്നാ​ണ് പ്രദേശവാസികളുടെ ആ​വ​ശ്യം.

പു​ന​രാ​രം​ഭി​ച്ച ബോട്ട് സർവീസ് വീണ്ടും നിറുത്തി

ക​ഴി​ഞ്ഞ യു​.ഡി​.എ​ഫ് സർ​ക്കാ​രി​ന്റെ കാ​ല​ത്ത് മു​ഖ്യ​മ​ന്ത്രി​ ഉമ്മൻചാണ്ടിയുടെ ജ​ന​സ​മ്പർ​ക്ക പ​രി​പാ​ടി​യിൽ ജ​ന​ങ്ങൾ നൽ​കി​യ പ​രാ​തി​യെ തു​ടർ​ന്ന് ഇവിടത്തെ ബോ​ട്ട് സർ​വീ​സ് പു​ന​രാ​രം​ഭി​ച്ചി​രു​ന്നു. കൊ​ല്ല​ത്ത് നി​ന്ന് അ​ഷ്ട​മു​ടി വ​ഴി നേ​രി​ട്ട് മു​തി​രപ്പ​റ​മ്പിൽ എ​ത്താൻ ​ര​ണ്ടുമ​ണി​ക്കൂർ സ​മ​യം മ​തി​യാ​യി​രു​ന്നു. എന്നാൽ അ​ഷ്ട​മു​ടിയിലെത്തുന്ന ബോ​ട്ട് പെ​രു​മൺ വ​ഴി ചു​റ്റി​ക്ക​റ​ങ്ങി മു​തി​ര​പ്പ​റ​മ്പിൽ എ​ത്താൻ മൂ​ന്ന് മ​ണി​ക്കൂ​റി​ല​ധി​കം വേണ്ടി വരും. അത്തരത്തിൽ സർവീസ് മാറ്റി ക്രമീകരിച്ചതോടെ ഇ​തിൽ യാ​ത്ര​ക്കാ​രും ഇ​ല്ലാ​താ​യി. തുടർന്ന് സർ​വീ​സ് ന​ഷ്ട​ത്തിലാവുകയും ഒടുവിൽ നിറുത്തുകയും ചെയ്തു. ഹൗ​സ് ബോ​ട്ടു​ക​ളെ സ​ഹാ​യി​ക്കാ​നാ​ണ് ഇ​ത്തരത്തിൽ റൂ​ട്ട് പു​നക്ര​മീ​ക​രി​ച്ച​തെ​ന്നാ​ണ് നാ​ട്ടു​കാ​രു​ടെ പ​രാ​തി.