മുൻ വർഷത്തെക്കാൾ അര ലക്ഷം രൂപ വരെ വർദ്ധന

 എൻ.ആർ.ഐ ഫീസ് 20 ലക്ഷം; അലോ‌ട്ട്മെന്റ് ലിസ്റ്ര് ഇന്ന്

തിരുവനന്തപുരം: സംസ്ഥാനത്തെ 19 സ്വാശ്രയ മെഡിക്കൽ കോളേജുകളിലെ എം.ബി.ബി.എസ് ഫീസ് പുതുക്കി നിശ്ചയിച്ച് മെഡിക്കൽ പ്രവേശന മേൽനോട്ട സമിതി അദ്ധ്യക്ഷൻ ജസ്റ്റിസ് രാജേന്ദ്രബാബു ഉത്തരവിറക്കി. 5.85 ലക്ഷം മുതൽ 7.19 ലക്ഷം രൂപ വരെയാണ് ഫീസ് നിരക്ക്. മുൻ വർഷത്തെക്കാൾ 50,​000 രൂപ വരെ വർദ്ധനയുണ്ട്. എൻ.ആർ.ഐ സീറ്റുകളിൽ 20 ലക്ഷമാണ് ഫീസ്. അലോട്ട്മെന്റ് ലിസ്റ്റ് ഇന്ന് പ്രസിദ്ധീകരിക്കും.

എം.ബി.ബി.എസ്,​ ബി.ഡി.എസ്,​ അഗ്രികൾച്ചറൽ,​ വെറ്ററിനറി,​ ഫോറസ്ട്രി,​ ഫിഷറീസ് കോഴ്സുകളിൽ അലോട്ട്മെന്റ് ലഭിക്കുന്ന വിദ്യാർത്ഥികൾക്ക് മെമ്മോയിൽ രേഖപ്പെടുത്തിയിട്ടുള്ള ഫീസ്/ബാക്കി തുക നാളെ ​ മുതൽ 12ന് വൈകിട്ട് മൂന്ന് വരെ ഓൺലൈൻ പേമെന്റ് വഴിയോ കേരളത്തിലെ ഏതെങ്കിലും ഹെഡ് പോസ്റ്റ് ഓഫീസ് മുഖേനയോ അടയ്ക്കാം.12ന് വൈകിട്ട് മൂന്ന് മണിക്ക് മുമ്പ് വിദ്യാർത്ഥികൾ കോളേജുകളിൽ പ്രവേശനം നേടിയിരിക്കണം.

പുതിയ ഫീസ് നിരക്കുകൾ

പേജ് 08