ആ​റ്റിങ്ങൽ : തോന്നയ്ക്കൽ ഹയർസെക്കൻഡറി സ്കൂളിൽ നടന്ന പ്രതിഭാസംഗമവും കടുവച്ചിറ മീരാസാഹിബ് മുസലിയാർ ട്രസ്​റ്റ് സ്‌കോളർഷിപ്പ് വിതരണവും ഡെപ്യൂട്ടി സ്പീക്കർ വി. ശശി ഉദ്ഘാടനം ചെയ്തു. അഞ്ചു മുതൽ പന്ത്റണ്ടാം ക്ലാസുവരെ, സാമ്പത്തികമായി പിന്നാക്കം നിൽക്കുന്ന മിടുക്കരായ കുട്ടികൾക്ക് 4000 രൂപ മുതൽ 12,​000 രൂപ വരെ പഠനസഹായമായി നൽകുന്നതാണ് മീരാസാഹിബ് മുസലിയാർ ട്രസ്റ്റ് എൻഡോവ്‌മെന്റ്. കായിക മികവ് പ്രകടിപ്പിച്ച കുട്ടികളെ ചടങ്ങിൽ അനുമോദിച്ചു. പി.ടി.എ പ്രസിഡന്റ് ജി. സജയകുമാർ അദ്ധ്യക്ഷത വഹിച്ചു. കടുവാച്ചിറ ട്രസ്​റ്റ് പ്രതിനിധി എം.എം. യൂസഫ്, പ്രിൻസിപ്പൽ എച്ച് .ജയശ്രീ, മുരളീധരൻ നായർ, രാജശേഖരൻനായർ, റസിയാബീവി, സന്തോഷ് തോന്നയ്ക്കൽ, ഷഫീക്ക്,സതീശൻ നായർ, ദിവ്യ എന്നിവർ സംസാരിച്ചു.