തിരുവനന്തപുരം : സുനിൽസ് ഇന്റർനാഷണൽ വാക്സ് മ്യൂസിയത്തിന്റെ രണ്ടാമത്തെ ബ്രാഞ്ച് ഇന്ന് വൈകിട്ട് 5ന് കിഴക്കേകോട്ട അനന്തവിലാസം അനക്സിൽ കേന്ദ്ര സഹമന്ത്രി രാംദാസ് അട്ടോളെ ഉദ്‌ഘാടനം ചെയ്യും. ശ്രീപദ്മനാഭ സ്വാമി ക്ഷേത്രത്തിന് സമീപത്തെ ലെവി ഹാളിൽ നടക്കുന്ന ചടങ്ങിൽ വി.എസ്. ശിവകുമാർ എം.എൽ.എ അദ്ധ്യക്ഷത വഹിക്കും. അശ്വതി തിരുനാൾ ഗൗരി ലക്ഷ്‌മി ഭായി ഭദ്രദീപം തെളിക്കും. ഡെപ്യൂട്ടി സ്പീക്കർ വി. ശശി മുഖ്യാതിഥിയാകും. പ്രധാനമന്ത്രി നരേന്ദ്രമോദിയുടെ പ്രതിമ ഒ. രാജഗോപാൽ എം.എൽ.എ അനാവരണം ചെയ്യും. കെ.ടി.ഡി.സി ചെയർമാൻ എം. വിജയകുമാർ, ടൂറിസം ഡയറക്ടർ പി. ബാലകിരൺ, ക്ഷേത്രം എക്സിക്യൂട്ടിവ് ഓഫീസർ വി. രതീശൻ, പ്രിൻസ് ആദിത്യവർമ്മ, ടൂർഫെഡ് എം.ഡി ഷാജിമാധവൻ, കൗൺസിലർ സുരേഷ്, സി.ആർ. ജയപ്രകാശ്, നെയ്യാറ്റിൻകര സനൽ, അഡ്വ. സുരേഷ്, വേലഞ്ചിറ സുകുമാരൻ, എം.എസ്. ഭുവനചന്ദ്രൻ തുടങ്ങിയവർ പങ്കെടുക്കും. അഡ്വ. സുഭാഷ് സുകുമാരൻ സ്വാഗതവും ശില്പി സുനിൽ കണ്ടല്ലൂർ നന്ദിയും പറയും.