കഴക്കൂട്ടം: എ.ടി.എമ്മിൽ പണമില്ലാത്തതിന് കൗണ്ടറിൽ മൂത്രമൊഴിച്ച് പ്രതിഷേധം. ഗ്രാമീണബാങ്കിന്റെ കണിയാപുരം ശാഖയ്‌ക്ക് സമീപത്തെ എ.ടി.എം കൗണ്ടറിൽ കഴിഞ്ഞദിവസമാണ് സംഭവം. രാവിലെ മാനേജർ എത്തിയപ്പോഴാണ് എ.ടി.എം കൗണ്ടർ കേടുപാട് വരുത്തിയതും മൂത്രമൊഴിച്ചതും ശ്രദ്ധയിൽപ്പെട്ടത്. സി.സി ടി.വി ക്യാമറ പരിശോധിച്ചപ്പോൾ ഇയാൾ മദ്യലഹരിയിലായിരുന്നെന്ന് വ്യക്തമായി. മാനേജർ മംഗലപുരം പൊലീസിൽ പരാതി നൽകി. ആളെ തിരിച്ചറിഞ്ഞിട്ടുണ്ടെന്നും ഉടൻ നടപടി സ്വീകരിക്കുമെന്ന് പൊലീസ് പറഞ്ഞു.