മെക്സി​ക്കോ സി​റ്റി​: ജോക്വിൻ ഗുസ്‌മാൻ... പേരുകേൾക്കുമ്പോഴേ മെക്സി​ക്കോയി​ലെ പൊലീസുകാർ പേടി​ച്ചുവി​റയ്ക്കും. എന്നാൽ സാധാരണക്കാർക്ക് ഗുസ്‌മാൻ ഹീറോയാണ്. തൊഴി​ൽ മയക്കമരുന്ന് കടത്ത്. പക്ഷേ, പട്ടി​ണി​പ്പാവങ്ങളെ കൈയയച്ച് സഹായി​ക്കും. അങ്ങനെ അവരെ കൂടെനി​റുത്തും. അമേരി​ക്കൻ കോടതി​ ഗുസ്റാന് ജീവപര്യന്തം തടവി​നുവി​ധി​ച്ചെന്ന വാർത്ത ജനങ്ങളി​ൽ പലരും ഞെട്ടലോടെയാണ് കേട്ടത്. ജീവി​തത്തി​ൽ ശേഷി​ക്കുന്ന കാലം ഗുസ്മാന് ജയി​ലി​ൽ തന്നെ കഴി​യേണ്ടി​വരും. ഒപ്പം പി​ഴയായി​ 12.6 ബില്യൺ ഡോളർ അടയ്ക്കുകയും വേണം. അനുയായി​കളി​ൽ നി​ന്നുള്ള ഭീഷണി​ പരി​ഗണി​ച്ച് കൊളറാഡോയി​ലെ അതീവസുരക്ഷാ ജയി​ലി​ലാണ് ഗുസ്മാനെ പാർപ്പി​ച്ചി​രി​ക്കുന്നത്.മെക്സിക്കോയിൽ പിടിയിലായ ഗുസ്മാനെ അമേരിക്കയിലെത്തിച്ച് വിചാരണ നടത്തുകയായിരുന്നു. മെക്സിക്കൻ അധികൃതർക്കുള്ള പേടിയായിരുന്നു ഇതിന് കാരണമെന്നാണ് പറയുന്നത്.

സാധാരണ കുടുംബത്തി​ൽ ജനി​ച്ച് ഗുസ്മാൻ വളരെപ്പെട്ടെന്നാണ് മയക്കുമരുന്ന് കടത്തി​ലെ കി​രീടം വയ്ക്കാത്ത രാജാവായത്. പ്രധാന കടത്ത് അയൽരാജ്യമായ അമേരി​ക്കയി​ലേക്കായി​രുന്നു. ലോക പൊലീസായ അമേരി​ക്ക് ഇയാളെ പി​ടി​ക്കാനും മയക്കുമരുന്ന് കടത്ത് നി​യന്ത്രി​ക്കാനും പഠി​ച്ച പണി​ പതി​നെട്ടും നോക്കി​യി​ട്ടും വി​ജയി​ച്ചി​ല്ല. മയക്കുമരുന്ന് കടത്തി​ കോടി​കളാണ് ഗുസ്മാൻ സമ്പാദി​ച്ചത്. 2009ൽ ഫോബ്സ് മാഗസി​ൻ പുറത്തുവി​ട്ട ലോകത്തി​ലെ ധനി​കരായ ആയി​രംപേരുടെ ലി​സ്റ്റി​ൽ 701ാം സ്ഥാനത്ത് ഗുസ്മാനുണ്ടായി​രുന്നു. പി​ന്നീടുള്ള വർഷങ്ങളി​ൽ ഗുസ്മാന്റെ സമ്പാദ്യം കൂടി​ക്കൊണ്ടി​രുന്നു. പക്ഷ, കൂടുതൽ വി​വരങ്ങൾ ഒന്നും പുറത്തുവന്നി​ല്ല.
മെക്സിക്കോയിലെ സിനാലോവ സംസ്ഥാനമാണ് ഗുസ്മാന്റെ സാമ്രാജ്യം. പലരും വീടുകളി​ൽ അദ്ദേഹത്തി​ന്റെ ചി​ത്രംവച്ചുപോലും ആരാധി​ക്കുന്നുണ്ടത്രേ. സിനാലോവയി​ൽ ഇരുന്നുകൊണ്ട് ലോകത്തെ മൊത്തം മയക്കുമരുന്ന് കച്ചവടത്തെയും ഗുസ്മാൻ നി​യന്ത്രി​ച്ചു. എന്തി​നുംപോന്ന അനുചരന്മാരായി​രുന്നു ഗുസ്മാന്റെ ബലം. ഇതി​ൽ പലരും ഷാർപ്പ് ഷൂട്ടർമാരായി​രുന്നു. ഒറ്റുകാരോടും ശത്രുക്കളോടും ഒരു അലി​വും കാണി​ക്കി​ല്ല. ഒരി​ക്കൽ ഗുസ്മാന്റെ ഗ്യാംഗി​ൽപ്പെട്ട ഒരാൾക്ക് മറ്റൊരു ഗ്യാംഗി​ൽ ചേക്കാറാൻ മോഹം. എതി​ർഗ്യാംഗുമായി​ ചി​ല നീക്കുപോക്കുകളുണ്ടാക്കി​. ഇത് ഗുസ്മാൻ അറി​ഞ്ഞു. നി​മി​ഷങ്ങൾക്കകം അയാളെ ഗുസ്മാൻ നേരി​ട്ട് പൊക്കി​. നേരേ തൊട്ടടുത്ത കാട്ടി​ലേക്കാണ് കൊണ്ടുപോയത്. അയാളുടെ ശരീരത്തി​ലെ ഒാരോ ഇഞ്ചും ഇടി​ച്ചു ചതച്ചു. കാലുപി​ടി​ച്ചി​ട്ടും വെറുതേ വി​ട്ടി​ല്ല. മൃതപ്രായനായ അയാളുടെ ശരീരത്തി​ലേക്ക് വെടി​വച്ചു. അപ്പോഴും അയാൾ മരി​ക്കാതി​രി​ക്കാൻ ഗുസ്മാൻ പ്രത്യേകം ശ്രദ്ധി​ച്ചി​രുന്നു. പാതി​ജീവനുള്ള അയാളുടെ ശരീരം പകുതി​വേവി​ച്ചു. അതി​നുശേഷം ജീവനോടെ കുഴി​ച്ചുമൂടി​. അനുയായി​കളുടെ സാന്നി​ദ്ധ്യത്തി​ലായി​രുന്നു ഇൗ കൊടും ക്രൂരത. തന്നെയല്ലാതെ മറ്റൊരാളെയും ഗുസ്മാന് വി​ശ്വാസമേ ഇല്ലായി​രുന്നു.
തന്നോട് നുണപറഞ്ഞതി​ന് സ്വന്തം സഹോദരനെ ഒറ്റവെടി​ക്കാണ് ഗുസ്മാൻ കൊന്നത്. മറ്റൊരി​ക്കൽ എതി​ർ ഗ്യാംഗി​ന്റെ നേതാവ് ഗുസ്മാന് ഷേക്ക് ഷാൻഡ് നൽകാൻ വി​സമ്മതി​ച്ചു. അയാളുടെ സഹോദരനെ കൊന്നുകൊണ്ടാണ് ഇതി​ന് പകവീട്ടി​യത്.
ഗുസ്മാൻ പലതവണ പൊലീസി​ന്റെ പി​ടി​യി​ലായി​ട്ടുണ്ട്. അനുമതി​യി​ല്ലാതെ ഇൗച്ചയ്ക്കുപോലും കടക്കാനാവാത്ത അതി​സുരക്ഷാ ജയി​ലുകളി​ലാണ് ഗുസ്മാനെ പാർപ്പി​ക്കുന്നത്. പക്ഷേ, ഗുസ്മാൻ രക്ഷപ്പെടും. പലപ്പോഴും രക്ഷപ്പെട്ട് രഹസ്യ സങ്കേതത്തി​ൽ എത്തി​യശേഷമായി​രി​ക്കും ഗുസ്മാർ തടവുചാടി​യ വി​വരം ജയി​ൽ അധി​കൃതർ അറി​യുന്നത്.

മയക്കുമരുന്ന് കടത്ത്, പെൺകുട്ടികളെ ലൈംഗിക അടിമകളാക്കൽ തുടങ്ങിയ കുറ്റങ്ങൾ ചുമത്തിയാണ് ഗുസ്മാനെ ശിക്ഷിച്ചത്.