മുടപുരം: അഴൂർ മുട്ടപ്പലം സർവീസ് സഹകരണ ബാങ്കിന്റെ ഭരണസമിതി തിരഞ്ഞെടുപ്പിൽ എൽ.ഡി.എഫ് സ്ഥാനാർത്ഥികൾക്ക് വിജയം. പ്രസിഡന്റായി സി.പി.എം അഴൂർ ലോക്കൽ കമ്മിറ്റി അംഗവും കേരള കർഷകസംഘം മംഗലപുരം ഏരിയാ ജോയിന്റ് സെക്രട്ടറിയുമായ എസ്.വി. അനിലാലിനെ രണ്ടാം തവണയും തിരഞ്ഞെടുത്തു. സി.പി.ഐ അഴൂർ ലോക്കൽ കമ്മിറ്റി അംഗവും ദേശീയ ഹിന്ദി അക്കാഡമി സെക്രട്ടറിയുമായ ആർ. വിജയൻ തമ്പിയെ വൈസ് പ്രസിഡന്റായി തിരഞ്ഞെടുത്തു. ആകെയുള്ള 11 സീറ്റിൽ 4 എണ്ണത്തിൽ എതിരാളികളില്ലാതെ എൽ.ഡി.എഫ് സ്ഥാനാർത്ഥികൾ വിജയിച്ചിരുന്നു. ഡി. അർജുനൻ, വി. രാജൻ ഉണ്ണിത്താൻ, സത്യശീലൻ ആശാരി, ജെ. സുദേവൻ, അലിയാര് കുഞ്ഞ്, എന്നിവരാണ് വിജയിച്ചത്. പട്ടികജാതി/പട്ടികവർഗ സംവരണ മണ്ഡലത്തിൽ കെ. രവി, വനിതാ സംവരണ മണ്ഡലത്തിൽ നിന്ന് ജി.വിജയകുമാരി, എം.കെ. കുമാരി, ആർ. ബസന്ത് എന്നിവരാണ് എതിരില്ലാതെ തിരെഞ്ഞെടുക്കപ്പെട്ട സ്ഥാനാർത്ഥികൾ.