കഴക്കൂട്ടം: കൊറിയർ സർവീസിന്റെ ഡെലിവറി വാൻ തട്ടി കഴക്കൂട്ടം കരിയിൽ അമ്മുനിവാസിൽ ചന്ദ്രന്റെയും കുശലകുമാരിയുടെയും മകൻ സുബാഷ് ചന്ദ്രൻ (40) മരിച്ചു. വെള്ളിയാഴ്ച രാത്രി 11 നാണ് സംഭവം.

പോത്തൻകോട് ബ്ലോക്ക് ഓഫീസിനു എതിർ വശത്തു നിന്ന് വീട്ടിലേക്കു പോകാനായി റോഡ് മുറിച്ചു കടക്കവെ വെട്ടുറോഡ് ഭാഗത്തു നിന്നും വന്ന മിനിവാൻ ഇടിക്കുകയായിരുന്നു. ഇടിയുടെ ആഘാതത്തിൽ റോഡിൽ തലയിടിച്ചു പരിക്കേറ്റതിനെ തുടർന്ന് നാട്ടുകാർ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചെങ്കിലും ഇന്നലെ ഉച്ചയ്ക്ക് 12 ഓടെ മരണമടഞ്ഞു. സംസ്കാരം: ഇന്ന് കോലത്തുകര ശ്മശാനത്തിൽ. ഭാര്യ: രജനി ,മകൾ.സുരഭി