തിരുവനന്തപുരം: രണ്ടു ദിവസത്തെ ഔദ്യോഗിക സന്ദർശനത്തിനായി വ്യോമസേനാ മേധാവി എയർ ചീഫ് മാർഷൽ ബി.എസ്. ധനോവ നാളെ തിരുവനന്തപുരത്തെത്തും. ദക്ഷിണ വ്യോമസേനയുടെ കമാൻഡർമാരുടെ സമ്മേളനത്തിൽ അദ്ദേഹം പങ്കെടുക്കും. വ്യോമസേനാ മേധാവിയെയും ഭാര്യ കമൽപ്രീത് ധനോവയെയും ദക്ഷിണ വ്യോമസേനാ മേധാവി എയർമാർഷൽ ബി. സുരേഷും ഭാര്യ രാധാ സുരേഷും ചേർന്ന് സ്വീകരിക്കും.
ദക്ഷിണ വ്യോമസേനാ ആസ്ഥാനത്തെത്തുന്ന വ്യോമസേനാ മേധാവിക്ക് സേനാംഗങ്ങൾ ഗാർഡ് ഒഫ് ഓണർ നൽകും. തുടർന്ന് ദക്ഷിണ വ്യോമസേനയിലെ കമാൻഡർമാരുമായും ദക്ഷിണ വ്യോമസേനാ ആസ്ഥാനത്തെ ഉദ്യോഗസ്ഥരുമായും അദ്ദേഹം ആശയവിനിമയം നടത്തും. എയർഫോഴ്സ് വൈ‌വ്സ് വെൽഫെയർ അസോസിയേഷൻ പ്രസിഡന്റ് കൂടിയായ കമൽപ്രീത് ധനോവ അസോസിയേഷന്റെ സാമൂഹ്യക്ഷേമ പരിപാടികളും പ്രവർത്തനങ്ങളും വിലയിരുത്തും.