ബാലരാമപുരം: ബാലരാമപുരം പൊലീസ് സ്റ്റേഷൻ പരിധിയിൽ നൈറ്റ് പട്രോളിംഗ് ശക്തമാക്കുന്നതിന്റെ ഭാഗമായി 25 സ്ഥലങ്ങളിൽ ബീറ്റ് ബോക്സുകൾ സ്ഥാപിക്കുന്നതിന്റെ ജോലികൾ പൂർത്തിയായി. തേമ്പാമുട്ടം. റസൽപ്പുരം,​ പുന്നക്കാട്,​ പാറക്കുഴി,​ തലയൽ മാളോട്ട് ക്ഷേത്രം,​ കുടുംബക്ഷേമ ആരോഗ്യ കേന്ദ്രം,​ റെയിൽവേ സ്റ്റേഷൻ,​ വടക്കേവിള,​ ഐത്തിയൂർ ശാസ്താക്ഷേത്രം,​ രാമപുരം പാലത്തിന് സമീപം,​ കോട്ടുകാൽക്കോണം,​ നെല്ലിവിള,​ അഴിപ്പിൽ ക്ഷേത്രത്തിന് സമീപം, കട്ടച്ചൽക്കുഴി,​​ പെരിങ്ങമല ആത്മബോധിനി,​ പൂങ്കോട് മുള്ളുവിള,​ പൂങ്കോട് സ്വിമ്മിംഗ് പൂളിന് സമീപം,​ സെന്റ് സെബാസ്റ്റിൻ ആഡിറ്റോറിയത്തിന് സമീപം,​ കൈരളി ഗാർഡൻസ്,​ ഐത്തിയൂർ ചാമവിള,​ പാതിരിയോട്,​ പരുത്തിമഠം, മംഗലത്തുകോണം​ കാട്ടുനടശ്രീഭദ്രകാളിക്ഷേത്രം,​ സിസിലിപുരം എന്നിവിടങ്ങളിലാണ് ബീറ്റ് ബോക്സുകൾ സ്ഥാപിച്ചിരിക്കുന്നത്. തർക്കത്തെ തുടർന്ന് അഴിപ്പിലിലും നെല്ലിവിളയിലും കുറച്ച് മാറിയാണ് ബീറ്റ് ബോക്സുകൾ സ്ഥാപിച്ചത്. ഫ്രാബ്സ്,​ വ്യാപാരി വ്യവസായി ഏകോപനസമിതി എന്നീ സംഘടനകൾ ബീറ്റ് ബോക്സ് സ്ഥാപിക്കാൻ സാമ്പത്തിക സഹായവും നൽകി. രാത്രി 11 മുതൽ പുലർച്ചെ 5 വരെയാണ് നൈറ്റ് പട്രോളിംഗ് നടത്തുന്നത്. ജനറൽ ഡ്യൂട്ടി നോക്കുന്ന ഉദ്യോഗസ്ഥൻ സിവിൽ പൊലീസ് ഓഫീസർക്ക് ബീറ്റ് ബോക്സിന്റെ താക്കോൽ കൈമാറും. അക്രമസംഭവങ്ങളോ മോഷണമോ നടന്നാൽ സി.ഐ,​ എസ്.ഐ തുടങ്ങിയ ഉദ്യോഗസ്ഥരെ വിളിച്ച് നാട്ടുകാർക്ക് പരാതി അറിയിക്കാം. മദ്യപാനം,​ സാമൂഹ്യവിരുദ്ധശല്യം,​ പിടിച്ചുപറി എന്നിവ പതിവാകുന്ന സ്ഥലങ്ങളെ കുറിച്ച് റസിഡന്റ്സ് അസോസിയേഷൻ ഭാരവാഹികൾക്കും മറ്റ് സന്നദ്ധസംഘടനകൾക്കും ജനമൈത്രി പൊലീസിനെ വിളിച്ച് പരാതി ബോധിപ്പിക്കാം.ബാലരാമപുരം ജനമൈത്രി പൊലീസ്,​ ഫ്രാബ്സ്,​ വ്യാപാരി വ്യവസായി ഏകോപനസമിതി ബാലരാമപുരം യൂണിറ്റ് എന്നിവയുടെ സംയുക്താഭിമുഖ്യത്തിലാണ് ബീറ്റ് ബോക്സുകൾ സ്ഥാപിക്കാൻ നടപടി സ്വീകരിച്ചത്