ചേർത്തല: സംസ്ഥാന പൊതുവിദ്യാഭാസ വകുപ്പ് ജില്ലാ തലത്തിലെ മികച്ച എൻ.എസ്.എസ് യൂണി​റ്റുകൾക്ക് നൽകുന്ന അവാർഡിന് കണിച്ചുകുളങ്ങര വൊക്കേഷണൽ ഹയർ സെക്കൻഡറി സ്‌കൂൾ വി എച്ച്.എസ്.ഇ വിഭാഗം യൂണി​റ്റ് തിരഞ്ഞെടുക്കപ്പെട്ടു. തൃശൂരിൽ നടന്ന ചടങ്ങിൽ വിദ്യാഭ്യാസ മന്ത്റി പ്രൊഫ.സി. രവീന്ദ്രനാഥിൽ നിന്ന് പ്രിൻസിപ്പൽ എം.ബാബു, പ്രോഗ്രാം ഓഫീസർ മഞ്ജു സത്യൻ, വോളണ്ടിയർ ലീഡർമാരായ ആദർശ്, അർച്ചന എന്നിവർ ചേർന്ന് അവാർഡ് ഏ​റ്റുവാങ്ങി.
2018-19 വർഷത്തിൽ യൂണി​റ്റ് നടത്തിയ പ്രവർത്തനങ്ങള മുൻ നിറുത്തിയാണ് അവാർഡ്. യൂണി​റ്റ് നടത്തിയ19 പ്രത്യേക പ്രവർത്തനങ്ങളിൽ പ്രളയ ദുരിതാശ്വാസ പ്രവർത്തനങ്ങൾ, വിദ്യാർത്ഥികൾ രക്ഷാകർത്താക്കൾക്കായി നടത്തിയ കമ്പ്യൂട്ടർ സാക്ഷരതാ ക്ലാസുകൾ, ഊർജ്ജ സംരക്ഷണ പ്രവർത്തനങ്ങൾ, ജല സ്രോതസുകളുടെ ശുചീകരണം എന്നിവയ്ക്കൊപ്പം ദേശീയതലത്തിൽ നടന്ന അഡ്വഞ്ചറസ് ക്യാമ്പിൽ ഒരു വിദ്യാർത്ഥിനിയെ പങ്കെടുപ്പിച്ചതും അവാർഡ് നിർണയത്തിന് സഹായിച്ചു.