ചേർത്തല : ദേശീയ പാതയിൽ ചേർത്തല റെയിൽവേ സ്​റ്റേഷനു സമീപം കനത്ത മഴക്കിടെ ഓടികൊണ്ടിരുന്ന കാറിന് മുകളിൽ മരം വീണു.കാറിനുള്ളിലുണ്ടായിരുന്ന വയലാർ കളവംകോടം ലക്ഷ്മിസദനത്തിൽ സാട്ടോ(39),മാതാവ് കനകമ്മ(67)എന്നിവർ നിസാരപരിക്കുകളോടെ രക്ഷപെട്ടു.ഇന്നലെ രാവിലെ 10.15ഓടെ ചേർത്തല റെയിൽവേ സ്‌​റ്റേഷന് സമീപം പാതയോരത്തു നിന്ന തണൽമരത്തിന്റെ ചില്ലകളാണ് ഒടിഞ്ഞുവീണത്.ഒടിഞ്ഞുവീണ മരച്ചില്ല ചില്ല് തുളച്ച് വാഹനത്തിനുള്ളിലേക്കു തറച്ചുകയറിയെങ്കിലും യാത്രക്കാർ അത്ഭുതകരമായി രക്ഷപ്പെടുകയായിരുന്നു. .സമീപത്ത് പാർക്ക് ചെയ്തിരുന്ന സ്‌കൂട്ടറും മരംവീണു തകർന്നു.അപകടത്തെ തുടർന്ന് ഒരു മണിക്കൂറോളം ഗതാഗതം തടസപ്പെട്ടു.