ഹരിപ്പാട്: മരം വീണ് മുതുകുളം വടക്ക് മഠത്തിൽ തറയിൽ ഗോപാലകൃഷ്ണന്റെ വീട് തകർന്നു. കഴിഞ്ഞ ദിവസം രാത്രിയിൽ 9.30ഓടെ ആയിരുന്നു സംഭവം. വീടിനു സമീപം നിന്ന മാവ് കിടപ്പു മുറിയുടെ മുകളിലേക്ക് വീഴുകയായിരുന്നു. ഓട് മേഞ്ഞ മേൽക്കൂര പൂർണമായും തകർന്നു. മുറി​യിൽ കിടന്നിരുന്ന ഗോപാലകൃഷ്ണനും ഭാര്യ തങ്കമണിയും ശബ്ദം കേട്ട് പുറത്തേക്ക് ഓടിയതിനാൽ അപകടം ഒന്നും ഉണ്ടായില്ല. ജന പ്രതിനിധികളും റവന്യൂ അധികൃതരും സ്ഥലത്ത് എത്തി. നാശനഷ്ടങ്ങൾ വിലയിരുത്തി.