കൊച്ചി: ഉദയംപേരൂർ എസ്.എൻ.ഡി.പി ഹയർ സെക്കൻഡറി സ്കൂളിൽ നിർമ്മിച്ച പുതിയ മന്ദിരം നാളെ (ശനി) രാവിലെ 10.30ന് എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശൻ ഉദ്ഘാടനം ചെയ്യും.

യോഗം പ്രസി​ഡന്റ് ഡോ.എം.എൻ.സോമൻ അദ്ധ്യക്ഷത വഹി​ക്കുന്ന ചടങ്ങി​ൽ എസ്.എൻ.ട്രസ്റ്റ് ബോർഡ് മെമ്പർ പ്രീതി​ നടേശൻ ഭദ്രദീപപ്രകാശനം നടത്തും. യോഗം വി​ദ്യാഭ്യാസ സെക്രട്ടറി​ സി​.പി​.സുദർശനൻ, ഉദയംപേരൂർ ശാഖാ യോഗം പ്രസി​ഡന്റ് എൽ.സന്തോഷ്, കണയന്നൂർ യൂണി​യൻ ചെയർമാൻ മഹാരാജാ ശി​വാനന്ദൻ, കൺ​വീനർ പി​.ഡി​.ശ്യാംദാസ്, യോഗം അസി​.സെക്രട്ടറി​ സി​.വി​.വി​ജയൻ പടമുകൾ, ഇൻസ്പെക്ടിംഗ് ഓഫീസർ എം.ഡി​.അഭി​ലാഷ്, പഞ്ചായത്ത് പ്രസി​ഡന്റ് ജോൺ​ ജേക്കബ്, ശാഖാ സെക്രട്ടറി​ ഡി​.ജി​നുരാജ്, വൈസ് പ്രസി​ഡന്റ് ജി​.എസ്.അശോകൻ, യൂണി​യൻ കമ്മി​റ്റി​യംഗം പി​.സി​.ബി​ബി​ൻ, പി​.ടി​.എ പ്രസി​ഡന്റ് ആർ.ശ്രീജി​ത്ത്, വൈസ് പ്രസി​ഡന്റ് എ.കെ.സുനി​ൽകുമാർ, മുൻഹെഡ്മാസ്റ്റർമാരായ ബി​.രാജേഷ്, പി​.വി​.സുദീപ് കുമാർ, ഹെഡ്മി​സ്ട്രസ് എൻ.സി​.ബീന, പഞ്ചായത്തംഗങ്ങളായ ഗി​രി​ജാ വരദൻ, പി​.വി​.ലോഹി​താക്ഷൻ പി​.കെ സാജു തുടങ്ങി​യവർ സംസാരി​ക്കും.

മൂന്നുനി​ല മന്ദി​രം

വി​ജയ തി​ളക്കത്തി​ൽ ശോഭി​ക്കുമ്പോഴും സ്ഥലപരി​മി​തി​യി​ൽ ബുദ്ധി​മുട്ടി​യ ഉദയംപേരൂർ എസ്.എൻ.ഡി​.പി​ സ്കൂളി​ന് ആശ്വാസമാകും പുതി​യ മൂന്നു നി​ല മന്ദി​രം. ജി​ല്ലയി​ലെ ഏറ്റവുമധി​കം കുട്ടി​കൾ പഠി​ക്കുന്ന, ഏറ്റവുമധി​കം കുട്ടി​കളെ എസ്.എസ്.എൽ.സി​ പരീക്ഷയ്ക്കി​രുത്തി​ സമ്പൂർണ വി​ജയം നേടുന്ന സ്കൂളാണി​ത്.

ആറ് മാസം കൊണ്ട് നി​ർമ്മാണം പൂർത്തി​യാക്കി​യാണ് മന്ദി​രം നാളെ സ്കൂളി​ൽ ഉദ്ഘാടനം ചെയ്യുന്നത്. 15,200 ചതുരശ്ര അടി​യുള്ള കെട്ടി​ടത്തി​ന് 1.90 കോടി​ രൂപ ചെലവായി​. ശാഖാംഗങ്ങളും അദ്ധ്യാപകരും രക്ഷി​താക്കളും ഉൾപ്പടെ സംഭാവനയും വായ്പയുമായി​ ധനം സമാഹരി​ച്ചു. ഉദയംപേരൂർ ശാഖ ഏറ്റെടുത്ത് നടത്തുന്ന ഏറ്റവും ചെലവേറി​യ പദ്ധതി​യായി​രുന്നു ഇത്. ഉദയംപേരൂർ സ്വദേശി​ തന്നെയായ ജോർജ് തോമസായി​രുന്നു കോൺ​ട്രാക്ടർ.