കളമശേരി: ദേശാഭിമാനി ചീഫ് എഡിറ്റർ പി.രാജീവിന്റെ ഭാര്യാപിതാവ് വൈക്കം തെക്കേനട വളവത്ത് പുത്തൻ പുരക്കൽ കെ.പി. കേസരി (88) നിര്യാതനായി. എറണാകുളത്തെ സ്വകാര്യ ആശുപത്രിയിൽ വ്യാഴാഴ്ച രാത്രി ഒമ്പതോടെയായിരുന്നു അന്ത്യം. കമ്യൂണിസ്റ്റ് നേതാക്കളായ പി. കൃഷ്ണപിള്ള, സി.കെ. വിശ്വനാഥൻ എന്നിവരുമായി അടുത്ത സൗഹൃദമുണ്ടായിരുന്നു. 1953 ൽ സംഘടനാ പ്രവർത്തനത്തിന്റെ പേരിൽ പൊലീസ് സർവീസിൽ നിന്ന് പിരിച്ചുവിട്ട പന്ത്രണ്ട് പേരിൽ ഒരാളായിരുന്നു. തുടർന്ന് മർച്ചന്റ് നേവിയിൽ പ്രവേശിച്ചു. ക്യാപ്ടനായാണ് വിരമിച്ചത്. മൃതദേഹം ഗവ.മെഡിക്കൽ കോളേജ് മോർച്ചറിയിൽ സൂക്ഷിച്ചിരിക്കുന്നു. സംസ്‌കാരം പിന്നീട് വൈക്കത്തെ കുടുംബ വീട്ടിൽ നടക്കും. ഭാര്യ: പരേതയായ അംബിക (കേന്ദ്ര തൊഴിൽ വകുപ്പ് മുൻ ഉദ്യോഗസ്ഥ). മക്കൾ: ഉമകേസരി (പടന്താലുംമൂട്, പാറശാല), ലക്ഷ്മി കേസരി (അബുദാബി), ഡോ. വാണി കേസരി (ഡയറക്ടർ, കുസാറ്റ് ലീഗൽ സ്റ്റഡീസ്, കളമശേരി). മറ്റു മരുമക്കൾ: വിശ്വം (ഉണ്ണി, പാറശാല), ശ്രീകുമാർ (അബുദാബി)