കൊച്ചി : ഇന്ത്യൻ അക്കാഡമി ഒഫ് പീഡിയാട്രിക്‌സ് (ഐ.എ.പി) കേരള ഘടകത്തിന്റെ നേതൃത്വത്തിൽ കൊച്ചി ശാഖ സംഘടിപ്പിക്കുന്ന പീഡിയാട്രിക് ഗ്യാസ്‌ട്രോ എന്ററോളജിയുടെ ഏഴാമത് വാർഷിക സമ്മേളനം 'പെഡ്ഗ്യാസ്‌ട്രോകോൺ 2019 ' നാളെ (ഞായർ) രാവിലെ 9 ന് കൊച്ചി ഐ.എം.എ ഹൗസിൽ സംസ്ഥാന പ്രസിഡന്റ് ഡോ.എം.കെ സന്തോഷ് ഉദ്‌ഘാടനം ചെയ്യും. വൈകിട്ട് അഞ്ചിന് സമാപിക്കും .

പീഡിയാട്രിക്‌സ്, പീഡിയാട്രിക് സർജറി, പീഡിയാട്രിക് ഗ്യാസ്‌ട്രോഎന്ററോളജി എന്നീ വിഭാഗങ്ങളിൽ വിദഗ്ദ്ധർ പ്രബന്ധങ്ങൾ അവതരിപ്പിക്കും. ശിശുക്കളിൽ കണ്ടുവരുന്ന ആമാശയ, കുടൽ, കരൾ രോഗങ്ങളുടെ ചികിത്സയെക്കുറിച്ച് സമ്മേളനം ചർച്ച ചെയ്യുമെന്ന് സംഘാടക സമിതി ചെയർമാൻ ഡോ. ഭാനു വി പിള്ള, സെക്രട്ടറി ഡോ. വിവിൻ അബ്രാഹം എന്നിവർ അറിയിച്ചു.