കോലഞ്ചേരി: വരൾച്ചയെ നേരിടാൻ കറുകപ്പിള്ളി ഗവ. യുപി സ്‌കൂൾ വദ്യാർത്ഥികൾ ജലസംരക്ഷണ യാത്ര നടത്തി. ഒരു മഴത്തുള്ളി പോലും പാഴാക്കരുതെന്ന സന്ദേശവുമായാണ് യാത്ര സംഘടിപ്പിച്ചത്. മുവാറ്റുപുഴയാറിന്റെ തീരത്തുള്ള കോരൻകടവിൽ പഞ്ചായത്ത് സ്റ്റാൻഡിംഗ് കമ്മി​റ്റി അദ്ധ്യക്ഷ സാലി ബേബി ഫ് ളാഗോഫ് ചെയ്തു. അധ്യാപകരും, വിദ്യാർത്ഥികളും, രക്ഷിതാക്കളും യാത്രയിൽ അണിചേർന്നു. ഇതോടൊപ്പം ലഘുലേഖകളും വിതരണം ചെയ്തു. പോസ്​റ്റർ പ്രചരണവും ഗൃഹസന്ദർശനവും വഴി പഞ്ചായത്തിലാകെ ജലസംരക്ഷണ സന്ദേശം എത്തിക്കാനാണ് സംഘാടകർ ലക്ഷ്യമിടുന്നത്. പി.ടി.എ പ്രസിഡന്റ് രാജേഷ് ചന്ദ്രൻ, ഹെഡ്മാസ്​റ്റർ സി. വി മധുസൂദനൻ, അജിത സാനു, എൻ. എ ഷിജു, ഷിജി ജോസഫ്, കെ. എൻ സവിത എന്നിവർ നേതൃത്വം നൽകി.