കോലഞ്ചേരി: ഓഫീസിന്റെ പ്രവർത്തനങ്ങൾ മനസിലാക്കാൻ സെന്റ് പീ​റ്റേഴ്‌സ് ഹൈസ്‌കൂളിലെ കുട്ടികൾ പോസ്​റ്റ് ഓഫീസ് സന്ദർശിച്ചു. 5, 6, 7 ക്ലാസിലെ കുട്ടികളാണ് പോസ്​റ്റ് ഓഫീസ് സന്ദർശനം നടത്തിയത്. പോസ്​റ്റ് മാസ്​റ്റർ വിജയലക്ഷ്മി, പോസ്​റ്റൽ അസിസ്​റ്റൻറ് ഷിബി എന്നിവർ ഓഫീസിന്റെ പ്രവർത്തനങ്ങൾ വിവരിച്ചു. പരസ്പരം കത്ത് എഴുതി പോസ്റ്റ് ചെയ്താണ് കുട്ടികൾ തിരിച്ചുപോയത്. ഹെഡ്മിസ്ട്രസ് സിന്ധു കെ.ടി, അദ്ധ്യാപകരായ രഞ്ജിത്ത് പോൾ, എൽദോ കെ. ജോസഫ്, റസി ജേക്കബ്, ലിജി ജോൺ എന്നിവർ നേതൃത്വം നൽകി.