അങ്കമാലി: ആലുവ താലൂക്ക് ലൈബ്രറി കൗൺസിൽ ബാലോത്സവം 2019 തുറവൂരിൽ നടക്കും. തുറവൂർ ചരിത്ര ലൈബ്രറിയുടെ നേതൃത്വത്തിൽ പത്താംതീയതി സെന്റ് അഗസ്റ്റിൻ യു.പി. സ്കൂളിൽ രാവിലെ 9ന് റോജി..എം ജോൺ എം.എൽ.എ ഉദ്ഘാടനം ചെയ്യും. ഗ്രാമ പഞ്ചായത്ത് പ്രസിഡന്റ് കെ.വൈ .വർഗീസ് അദ്ധ്യക്ഷത വഹിക്കും. സ്കൂൾ മാനേജർ ഫാ. ജോസഫ് കൊടിയൻ വിശിഷ്ടാതിഥിയാകും. വൈകിട്ട് 5ന്സമാപന സമ്മേളനം ജില്ലാ ലൈബ്രറി കൗൺസിൽ സെക്രട്ടറി എം.ആർ. സുരേന്ദ്രൻ ഉദ്ഘാടനം ചെയ്യും. സ്റ്റേറ്റ് ലൈബ്രറി കൗൺസിൽ അംഗം ടി.പി. വേലായുധൻ സമ്മാനദാനം നിർവഹിക്കും. 14 ഇനങ്ങളിലായി യു.പി, ഹൈസ്കൂൾ വിഭാഗങ്ങളിൽ 85 അംഗ ലൈബ്രറികളിലെ കുട്ടികൾ മാറ്റുരയ്ക്കും.