മൂവാറ്റുപുഴ: കേന്ദ്ര സർക്കാരിന്റെ ഭരണഘടനാ വിരുദ്ധ നിലപാടിനെതിരായി എൽ.ഡി.എഫ് നിയോജക മണ്ഡലം കമ്മിറ്റിയുടെ ആഭിമുഖ്യത്തിൽ മൂവാറ്റുപുഴയിൽ പ്രതിഷേധ പ്രകടനവും പൊതുസമ്മേളനവും നടന്നു. കച്ചേരിത്താഴത്ത് നിന്നും ആരംഭിച്ച പ്രതിഷേധ പ്രകടനം നഗരം ചുറ്റി മുൻസിപ്പൽ ഓഫീസിനു മുന്നിൽ സമാപിച്ചു. പ്രതിഷേധയോഗം സി.പി.എം ജില്ലാ സെക്രട്ടറിയേറ്റ് അംഗം പി.എം.ഇസ്മയിൽ ഉദ്ഘാടനം ചെയ്തു. എൽ.ഡി.എഫ് നിയോജക മണ്ഡലം കൺവീനർ എൻ.അരുൺ അദ്ധ്യക്ഷത വഹിച്ചു. എം.ആർ.പ്രഭാകരൻ, ടി.എം.ഹാരിസ്, കെ.എൻ.ജയപ്രകാശ്, ടി.എൻ.മോഹനൻ, യു.ആർ.ബാബു, കെ.എ.നവാസ്, വിൻസന്റ് ഇല്ലിയ്ക്കൽ എന്നിവർ പ്രസംഗിച്ചു.