അങ്കമാലി : മൂക്കന്നൂർ വിജ്ഞാനമിത്ര സംവാദവേദിയുടെ നേതൃത്വത്തിൽ വെള്ളിവെളിച്ചം പ്രതിവാര സംവാദപരിപാടിയിൽ ഇന്ന് വൈകിട്ട് 6 ന് മർച്ചന്റ്‌സ് അസോസിയേഷൻ ഹാളിൽ സംവാദം നടത്തും. കാശ്മീർ, കാർഗിൽ അനുഭവങ്ങൾ എന്നതാണ് വിഷയം. ഫയർ സർവീസ് റിട്ട. സീനിയർ സൂപ്രണ്ട് ദിനേശ്കുമാർ വിഷയം അവതരിപ്പിക്കും. പരിസ്ഥിതി, മനുഷ്യാവകാശ പ്രവർത്തകൻ ജയ്‌സൺ പാനികുളങ്ങര ഉദ്ഘാടനം ചെയ്യും. വിജ്ഞാന മിത്ര സംവാദവേദി വൈസ് പ്രസിഡന്റ് എം.ഒ. വർഗീസ് അദ്ധ്യക്ഷത വഹിക്കും.