ആലുവ: ഗുരുദേവ ദർശനവും കൃതികളും ആയിരങ്ങൾക്ക് പകർന്ന് നൽകിയ ചേന്ദമംഗലം പ്രതാപൻ മാസ്റ്ററെ ശിഷ്യന്മാർ ചേർന്ന് ആദരിക്കും. നാളെ ഉച്ചയ്ക്ക് രണ്ടിന് നടക്കുന്ന സമ്മേളനം എസ്.എൻ.ഡി.പി യോഗം പ്രസിഡന്റ് ഡോ. എം.എൻ. സോമൻ ഉദ്ഘാടനം ചെയ്യും. ടി.ആർ. ബാബു മുപ്പത്തടം അദ്ധ്യക്ഷത വഹിക്കും. അഡ്വ. ടി.ആർ. രാമനാഥൻ ഭദ്രദീപം തെളിക്കും. എസ്.എൻ.ഡി.പി യോഗം അസി. സെക്രട്ടറിമാരായ ഇ.കെ. മുരളീധരൻ, കെ.എസ്. സ്വാമിനാഥൻ, ആലുവ യൂണിയൻ പ്രസിഡന്റ് വി. സന്തോഷ് ബാബു, സെക്രട്ടറി എ.എൻ. രാമചന്ദ്രൻ, തിരുനാരായണ സത്സംഗം സമിതി കൺവീനർ കെ.വി. രാജൻ എന്നിവർ സംസാരിക്കും.