ഇടപ്പള്ളി : കേരളത്തിലെ റെയിൽവേ ഫ്ലാറ്റുഫോമുകളിലേക്കുള്ള
അനധികൃത പ്രവേശന കവാടങ്ങൾ പൂട്ടാൻ റെയിൽവേ സംരക്ഷണ സേന നീക്കങ്ങൾ തുടങ്ങി.
എറണാകുളം ടൗൺ സ്റ്റേഷനിലേക്കുള്ള നാലു അനധികൃത വഴികൾ അധികൃതർ അടച്ചു. രണ്ടാം പ്ളാറ്റുഫോമിലെ വടക്കേയറ്റത്തും മദ്ധ്യഭാഗത്തും ഉണ്ടായിരുന്നവയാണിത്. മെട്രോ പാലത്തിനരികിലേക്കുള്ള വഴിയും ഇതിലുൾപ്പെടുന്നു. സുരക്ഷയുടെ പേരിൽ മൂന്നു ദിവസത്തേക്കാണിതെങ്കിലും സ്ഥിരമാക്കണമെന്നാണ് സംരക്ഷണ സേന നിർദേശം.

ചെന്നൈയിൽ നിന്നെത്തിയ സംരക്ഷണസേന ഡി .ഐ .ജി യുടെ നേതൃത്വത്തിൽ നടത്തിയ പരിശോധനയിൽ എറണാകുളത്തെ രണ്ടു സ്റ്റേഷനുകളിലും അനധികൃത പ്രവേശന വഴികൾ സുരക്ഷാ ഭീഷണിയായി കണ്ടെത്തിയിരുന്നു. ഈ വഴികളെല്ലാം അടക്കുന്ന രീതിയിൽ മതിലുകളും
പണിയാൻ പദ്ധതിയിട്ടിട്ടുണ്ട് . കേരളത്തിലെ മറ്റു പ്രധാനപ്പെട്ട
സ്റ്റേഷനുകളിലും ഇതേ നടപടികളുണ്ടാകും.

ഓട്ടോറിക്ഷ ഡ്രൈവർമാരുടെയും പോർട്ടർമാരുടെയുമാെക്കെ
അഭിപ്രായങ്ങളും റെയിൽവേ അധികൃതർ പരിശോധിക്കുന്നുണ്ട് .