ആലുവ: മഴക്കെടുതിയിൽ വെള്ളം കയറി വൃത്തികേടായ വീടുകൾ കന്യാസ്ത്രീകളുടെ സംഘം ശുചീകരി​ച്ച് താമസയോഗ്യമാക്കി. അശോകപുരത്തുള്ള എഫ്.സി.സി സിസ്റ്റേഴ്‌സാണ് മാതൃകയായത്.

ചൂർണിക്കര പഞ്ചായത്ത് എസ്.പി.ഡബ്ല്യു ഗവ. എൽ പി സ്‌കൂൾ ക്യാമ്പിലുള്ളവരുടെ വീടുകൾ വൃത്തിയാക്കുന്ന ജോലി​യാണ് സിസ്റ്റർമാർ ഏറ്റെടുത്തത്. സിസ്റ്റർ ഷിഫിയുടെ നേതൃത്വത്തിലാണ് 15 കന്യാസ്ത്രീകൾ ചൂർണിക്കരയിൽ എത്തിയത്. പഞ്ചായത്ത് പ്രസിഡന്റ് ബാബു പുത്തനങ്ങാടിയും ഇവരോടൊപ്പം ഉണ്ടായിരുന്നു. കരുവേലി മണപ്പുറത്തെ റോഡിലെ ചെളി പഞ്ചായത്ത് അധി​കാരി​കൾ വൃത്തിയാക്കി.