പെരുമ്പാവൂർ: കോട്ടപ്പാറ വനാതിർത്തിയിലെ കൃഷിയിടങ്ങളിൽ കാട്ടാനക്കൂട്ടം
നാശംവി​തച്ചു. കഴിഞ്ഞ ദിവസം പ്ലാമുടിയിൽ കുന്നത്താൽ മാത്തുക്കുട്ടി കൃഷി ചെയ്തിരുന്ന 600 ഏത്തവാഴകളും പൈനാപ്പിളും ആനക്കൂട്ടം നശിപ്പിച്ചു. നടുവത്ത് സണ്ണിയുടെ കൃഷിയിടം പാട്ടത്തിനെടുത്താണ് കൃഷി ചെയ്തിരുന്നത്. ഒരാഴ്ച മുൻപ് കപ്രിക്കാട് അഭയാരണ്യത്തിന് സമീപം പാണംകുഴിയിൽ ആനക്കൂട്ടം വ്യാപകകൃഷി നാശം വരുത്തി​യി​രുന്നു.മഴക്കാലം തുടങ്ങിയ ശേഷം ആനശല്യം കുറവായിരുന്നെങ്കിലും ഇപ്പോൾ വീണ്ടും പഴയപടിയായെന്ന് കർഷകർ പറയുന്നു.കുട്ടികളും കൊമ്പനും പിടിയുമുൾപ്പെടെ പത്തും പന്ത്രണ്ടും എണ്ണമുളള കൂട്ടമാണ്കൃഷിയിടത്തിലെത്തുന്നത്. രാത്രി മുഴുവൻ കൃഷി​ തിന്നുതീർത്ത് പുലരും മുൻപേ കാട്ടിലേയ്ക്ക് മടങ്ങുകയാണ് രീതി. ചിലപ്പോൾ നാട്ടുകാർ ഉണർന്ന് ശബ്ദമുണ്ടാക്കുകയും വെളിച്ചം കാണിക്കുകയും ചെയ്യുമ്പോൾ തിരിച്ചുപോകും. കാട്ടാനകളെ തടയുന്നതിന് അതിർത്തിയിൽ വനംവകുപ്പ് സൗരോർജവേലി സ്ഥാപിക്കുമെന്ന് അറിയിച്ചിട്ടുണ്ടെങ്കിലും നടപ്പായി​ല്ല. മരങ്ങൾ തള്ളിമറിച്ചിട്ടും വേലി
തകർത്തും ആനകൾ കൃഷിയിടങ്ങളിൽ പ്രവേശിക്കാറുണ്ട്. നിരവധി നിവേദനങ്ങളും പരാതികളും നൽകിയെങ്കിലും വനാതി​ർത്തിയിലെ കർഷകരുടെ ഭീതിയകറ്റാൻ സർക്കാരിന്റെ ഭാഗത്ത് നിന്ന് നടപടി​യി​ല്ല

പെരിയാർ കടന്ന് എത്തുന്നത് പത്തി​ലേറെ ആനകൾ

വാഴക്കുലകളുംപൈനാപ്പിളും തിന്നുതീർക്കും

സൗരോർജവേലി യാഥാർത്ഥ്യമായി​ല്ല