മൂവാറ്റുപുഴ: എസ്എൻ ഡി പി യോഗം മൂവാറ്റുപുഴ യൂണിയന്റേയും , ശ്രീനാരായണ ധർമ്മ സംഘം ട്രസ്റ്റ് ഗുരുധർമ്മ പ്രചാരണ സഭ ശിവഗിരിമഠം മൂവാറ്റുപുഴ മണ്ഡലം കമ്മറ്റിയുടേയും സംയുക്താഭിമുഖ്യത്തിൽ നടത്തുന്ന പ്രതിമാസ പഠനക്ലാസ് സെപ്തംബർഒന്നിന് ന് രാവിലെ 10 ന് എസ് എൻ ബിഎഡ‌് കോളേജ് ആഡിറ്റോറിയത്തിൽനടക്കുമെന്ന് യൂണിയൻ പ്രസിഡന്റ് വി.കെ.നാരായണൻ, സെക്രട്ടറി ഇൻചാർജ്ജ് അഡ്വ. എ.കെ. അനിൽകുമാർ എന്നിവർ അറിയിച്ചു. ശ്രീനാരായണ ഗുരുവിന്റെ ദാർശനീക കൃതിയായ ആത്മോപദേശ ശതകം അടിസ്ഥാനമാക്കി ഡോ.ഗീത സുരാജാണ് ക്ലാസെടുക്കുന്നത് . പഠനക്ലാസിലേക്ക് എല്ലാവിഭാഗം ആളുകളേയും സ്വാഗതം ചെയ്യുന്നതായി യൂണിയൻ ഭാരവാഹികൾ അറിയിച്ചു.