കിഴക്കമ്പലം: മുവാ​റ്റുപുഴ റൂട്ടിൽ മത്സരഓട്ടം നടത്തിയ സ്വകാര്യ ബസുകളെ മോട്ടോർ വാഹന വകുപ്പ് പിടികൂടി .കഴിഞ്ഞ ദിവസം വൈകിട്ട് കിഴക്കമ്പലം പ്രൈവ​റ്റ് ബസ് സ്​റ്റാൻഡിന് സമീപമായിരുന്നു സംഭവം. സ്​റ്റാൻഡിൽ നിന്ന് ഇറങ്ങി വന്ന ബസിനു കുറുകെ പിറകിൽ വന്ന മ​റ്റൊരു സ്വകാര്യ ബസ് വട്ടം വെച്ച് ഗതാഗത തടസം സൃഷ്ടിക്കുകയും പരസ്പരം പോർവിളി നടത്തുകയും ചെയ്തു. ഇതിന് ശേഷം വീണ്ടും മുവാ​റ്റുപുഴ റൂട്ടിൽ അപകടകരമായി മത്സരയോട്ടം നടത്തുന്നതിനിടെയാണ് ബസുകൾ മോട്ടോർ വാഹന വകുപ്പ് പിടികൂടിയത്. മോട്ടോർ വാഹന വകുപ്പ് ഉദ്യോഗസ്ഥരായ ജോസഫ് ചെറിയാൻ, സുനിൽകുമാർ, ജോർളിഷ് തുടങ്ങിയവർചേർന്നാണ് നടപടിയെടുത്തത് .