പറവൂർ : പറവൂർ ടൗൺ മർച്ചന്റ്സ് അസോസിയേഷന്റെ ഉപസംഘടനയായ മർച്ചന്റസ് വെൽഫെയർ സൊസൈറ്റി ഭരണ സമിതി തിരഞ്ഞെടുപ്പ് നാളെ (ഞായർ) പറവൂർ വ്യാപാരഭവനിൽ നടക്കും. അസോസിയേഷൻ ഭരണസമിതിയിലേക്ക് നിലവിലെ പ്രസിഡന്റ് കെ.ടി. ജോണിയുടെ പാനൽ എതിരില്ലാതെ തിരഞ്ഞെടുക്കപ്പെട്ടിരുന്നു. സൊസൈറ്റിയുടെ പതിനെട്ടംഗ ഔദ്യോഗിക പാനലിനെതിരെ ഒമ്പതുപേർ രംഗത്തുവന്നതാണ് തിരഞ്ഞെടുപ്പിനിടയാക്കിയത്. രാവിലെ ഒമ്പതുമുതൽ വൈകിട്ട് നാലുവരെയാണ് വോട്ടെടുപ്പ്. അഡ്വ. എ. ഗോപിയാണ് റിട്ടേണിംഗ് ഓഫീസർ.