വിദ്യാർത്ഥികൾ ദുരിതത്തിൽ

കോലഞ്ചേരി: മുവാ​റ്റുപുഴ എറണാകുളം റൂട്ടിൽ സ്‌കൂൾ സമയങ്ങളിൽ കെ .എസ് .ആർ .ടി.സി ഓർഡിനറി ബസുകളുടെ ലഭ്യതക്കുറവ് വിദ്യാർത്ഥികളെ ദുരിതത്തിലാക്കുന്നതായി പരാതി. കൺസഷൻ ലഭിക്കുന്നതിന് നിശ്ചിത തുക അടച്ച വിദ്യാർത്ഥികൾ ഓർഡിനറി ബസുകൾ ഇല്ലാത്തതിനാൽ ഫാസ്​റ്റ് പാസ്സഞ്ചറിലും,ലോഫ്‌ളോർ ബസിലും ഫുൾ ടിക്ക​റ്റ് എടുത്ത് യാത്ര ചെയ്യേണ്ട അവസ്ഥയിലാണ് . കോലഞ്ചേരി സെന്റ് പീ​റ്റേഴ്‌സ് കോളേജിലെയും മ​റ്റ് സമീപവിദ്യാഭ്യാസ സ്ഥാപനങ്ങളിലെയും വിദ്യാർത്ഥികളാണ് വലയുന്നത്.ഓർഡിനറി ബസിനായി മണിക്കൂറുകളോളം കാത്തു നിന്നാലും ലഭിക്കാറില്ല. വിദ്യാർത്ഥികളുടെ യാത്ര ക്ലേശം പരിഹരിക്കണമെന്ന് ആവശ്യപ്പെട്ട് വി.പി സജീന്ദ്രൻ എം.എൽ. എ ക്ക് കെ. എസ്. യു പ്രവർത്തകർ നിവേദനം നൽകി.