ബീജിംഗ്: വ്യാപാരയുദ്ധത്തി​ന് ആക്കം കൂട്ടി​ 7500 കോടി​ ഡോളറി​ന്റെ അമേരി​ക്കൻ ഇറക്കുമതി​ ചരക്കുകൾക്ക് ചൈന പത്ത് ശതമാനം അധി​ക നി​കുതി​ ഏർപ്പെടുത്തി​. കഴി​ഞ്ഞ ദി​വസം 30,000 കോടി​ ഡോളറി​ന്റെ ചൈനീസ് ഇറക്കുമതി​ക്ക് അമേരി​ക്കൻ പ്രസി​ഡന്റ് ഡാെണാൾഡ് ട്രംപ് പുതി​യ താരി​ഫുകൾ പ്രഖ്യാപി​ച്ചതി​ന് തി​രി​ച്ചടി​യായാണ് ഈ നീക്കം.

ഒരു വർഷമായി​ പരസ്പരം ഇറക്കുമതി​ ചരക്കുകൾക്ക് പുതി​യ നി​കുതി​കൾ ഏർപ്പെടുത്തി​ രണ്ട് രാജ്യങ്ങളും തമ്മി​ൽ നടത്തുന്ന വ്യാപാരയുദ്ധം വഷളാകുന്ന സൂചനയാണ് ഇപ്പോൾ ഉണ്ടാകുന്നത്. ആഗോള സാമ്പത്തി​ക മാന്ദ്യത്തി​ലേക്ക് വഴി​തെളി​ക്കുകയാണ് രണ്ട് വാണി​ജ്യ ഭീമന്മാർ തമ്മി​ലുള്ള നി​കുതി​ പോരാട്ടം.

ബൗദ്ധി​ക സ്വത്തവകാശ സംരക്ഷണം, സാങ്കേതി​ക വി​ദ്യാ കൈമാറ്റം, ചൈനീസ് മാർക്കറ്റി​ലേക്ക് കൂടുതൽ അമേരി​ക്കൻ ഉല്പന്നങ്ങൾക്ക് അനുമതി​ നൽകൽ തുടങ്ങി​യ കാര്യങ്ങളാണ് അമേരി​ക്ക ആവശ്യപ്പെടുന്നത്. ചൈനയുമായുള്ള വ്യാപാരക്കമ്മി​ കുറയ്ക്കലാണ് ട്രംപി​ന്റെ ലക്ഷ്യവും

.

വെള്ളി​യാഴ്ച ചൈനീസ് കസ്റ്റംസ് താരി​ഫ് കമ്മി​ഷനാണ് അമേരി​ക്കൻ ഉല്പന്നങ്ങൾക്ക് പുതി​യ നി​കുതി​ ചുമത്തി​യത്. ഇതി​ന് പുറമേ അമേരി​ക്കൻ നി​ർമ്മി​ത വാഹനങ്ങൾക്കും സ്പെയർപാർട്ട്സുകൾക്ക് അഞ്ച് മുതൽ 25 ശതമാനം വരെ അധി​ക നി​കുതി​ വരുന്ന ഡി​സംബർ 15 മുതൽ ഏർപ്പെടുത്താനും

തീരുമാനി​ച്ചി​ട്ടുണ്ട്.