തൃക്കാക്കര : പ്രളയ പുന:നിർമ്മാണത്തിൽ പെൻഷനേഴ്സ് യൂണിയന്റേത് മാതൃകാപരമായ ഇടപെടലാണെന്ന് മുഖ്യമന്ത്രി പിണറായി വിജയൻ പറഞ്ഞു. കാക്കനാട് അത്താണിയിൽ ജില്ല പെൻഷൻ ഭവൻ മന്ദിരം ഉദ്‌ഘാടനം ചെയ് ത് സംസാരിക്കുകയായിരുന്നു അദ്ദേഹം.
17.15 കോടിരൂപയാണ് കേരള സ്റ്റേറ്റ് പെൻഷനേഴ്സ് യൂണിയൻ സർക്കാരിന് നൽകിയത്. പെൻഷൻകാർ പാവപ്പെട്ടവർക്കായി പ്രതിമാസ പെൻഷൻ പദ്ധതി നടപ്പിലാക്കുന്ന പദ്ധതി മഹത്തരമാണെന്നും അദ്ദേഹം പറഞ്ഞു.
പെൻഷനേഴ്സ് യൂണിയൻ സംസ്ഥാന പ്രസിഡന്റ് എൻ.സദാശിവൻ അധ്യക്ഷത വഹിച്ചു. കെട്ടിടത്തിലുള്ള ഹാളിന്റെ ഉദ്ഘാടനം ഹൈബി ഈഡൻ എം.പി നിർവഹിച്ചു. പി.ടി തോമസ് എൽ.എൽ.എ മുഖ്യപ്രഭാഷണം നടത്തി. ജനറൽ സെക്രട്ടറി ആർ.രഘുനാഥൻ നായർ സാന്ത്വന പെൻഷൻ വിതരണോത്ഘാടനം നിവഹിച്ചു. ജില്ല പഞ്ചായത്ത് പ്രസിഡന്റ് ഡോളി കുര്യാക്കോസ്, മുനിസിപ്പൽ ചെയർപേഴ്സൺ ഷീല ചാരു, ഡി.സി.സി പ്രസിഡന്റ് ടി.ജെ.വിനോദ്, സി.പി.എം ജില്ല സെക്രട്ടറി സി.എൻ.മോഹനൻ, അഡ്വ.വി.ഇ.അബ്‌ദുൾ ഗഫൂർ, ബി.ജെ.പി ജില്ല പ്രസിഡന്റ് എൻ.കെ.മോഹൻദാസ്, കൗൺസിലർ റഫീക്ക് പൂതേലി.കെ മോഹനൻ തുടങ്ങിയവർ പ്രസംഗിച്ചു.