കൊച്ചി: മഹിളാ കിസാൻ ശാക്തീകരൺ (എം.കെ.എസ്.പി) പദ്ധതിയുടെ ഭാഗമായി ഏകദിന പരിശീലന പരിപാടി ജില്ലാ പഞ്ചായത്ത് പ്രസിഡന്റ് ഡോളി കുര്യാക്കോസ് ഉദ്ഘാടനം ചെയ്‌തു. വൈസ് പ്രസിഡന്റ് അഡ്വ.ബി.എ അബ്ദുൾ മുത്തലിബ് അദ്ധ്യക്ഷത വഹിച്ചു. ജില്ലാ പഞ്ചായത്ത് സ്ഥിരം സമിതി അദ്ധ്യക്ഷൻമാരായ സി.കെ.അയ്യപ്പൻകുട്ടി, ജാൻസി ജോർജ്ജ്, സരള മോഹൻ, അംഗങ്ങളായ ജോളി ബേബി, ഹിമ ഹരീഷ്, റസിയ റഹ്മത്ത്, ശാരദ മോഹന്‍, സോന ജയരാജ്, സെക്രട്ടറി ഇൻ ചാർജ് കെ.ജി. തിലകൻ തുടങ്ങിയവർ പങ്കെടുത്തു. ജില്ലയിലെ ത്രിതല പഞ്ചായത്ത് പ്രസിഡന്റുമാർക്കായി നടത്തിയ പരിപാടിയിൽ മൈത്രി എക്സിക്യൂട്ടീവ് ഡയറക്ടർ വിനോദ് കുമാർ , എം.കെ.എസ്.പി സി.ഇ.ഒ അബ്ദുൾ സലീം എന്നിവർ ക്ലാസുകൾ നയിച്ചു.