ആലുവ: എടത്തല കെ.എം.ഇ.എ എൻജി​നീയറിംഗ് കോളേജിലെ സിവിൽ എൻജി​നീയറിംഗ് വിദ്യാർത്ഥികളുടെ അവസാന വർഷ പ്രോജക്ടിന് കേന്ദ്രമന്ത്രാലയത്തിന്റെ അംഗീകാരം. മത്സ്യ വ്യവസായ മേഖലയിൽ നിന്ന് പുറംതള്ളുന്ന മലിന ജലത്തിന്റെ ശുദ്ധീകരണ പ്രക്രിയയുടെ പ്രോജക്ടി​ന് എം.എച്ച്.ആർ.ഡി ഇൻസ്റ്റി​ട്യൂഷൻ ഇന്നോവേഷൻ കൗൺസിൽ കേരള റീജിയണൽ പ്രൂഫ് ഓഫ് കൺസെപ്റ്റ് മത്സരത്തിൽ ഏറ്റവും മികച്ചതായി​ തി​രഞ്ഞെടുക്കപ്പെട്ടു.

അധ്യാപിക ആയിഷ റഷീദിന്റെ കീഴിൽ മുഹമ്മദ് ആസിഫ്, എം. മുബീന, വി.എച്ച്. ഷിഫാന, ടി.എ. ഷിഫാന എന്നിവരാണ് പദ്ധതി​ വി​കസി​പ്പി​ച്ചത്.

ഡൽഹി നാഷണൽ ബൂട്ട് ക്യാമ്പ് &ആന്റ് എക്‌സിബിഷനി​ലേക്ക് കേരളത്തിൽ നിന്നുള്ള അഞ്ച് പ്രോജക്ടുകളിൽ ഒന്നാണിത്. ഐ.ഇ.ഡി.സി ഐഡിയ കോമ്പറ്റീഷനിലും കേരള സോഷ്യൽ ഇമ്പാക്ട് ചലഞ്ച് മത്സരത്തിലും ഇവർക്ക് അംഗീകാരം ലഭി​ച്ചി​രുന്നു.