മൂവാറ്റുപുഴ: ആധുനിക സംവിധാനങ്ങളുടെ സഹായത്തോടെ നിർമ്മല മെഡിക്കൽ സെന്ററിൽ സൈക്യാട്രിയിൽ ഒ.പിയും, കിടത്തിചികിത്സാസൗകര്യങ്ങളും ആരംഭിച്ചു. ഉദ്ഘാടനം എൽദോ എബ്രാഹം എം.എൽ.എ നിർവ്വഹിച്ചൂ. പ്രോവിൻഷ്യൽ സുപ്പീരിയർ സിസ്റ്റർ ലൂസിറ്റ അദ്ധ്യക്ഷതവഹിച്ചു. ഹോസ്പിറ്റൽ അഡ്മിനിസ്‌ട്രേറ്റർ സിസ്റ്റർ ജോവിയറ്റ്, സൈക്കോളജിസ്റ്റ് സിസ്റ്റർ റോസ് മരിയ പോൾ, ജനറൽ മാനേജർ പാട്രിക്.എം.കല്ലട, സൈക്യാട്രിസ്റ്റ് ഡോ. ലിൻസ് മരിയ, പ്രോവിൻഷ്യൽ കൗസിലേഴ്‌സ് സിസ്റ്റർ റാണി, സിസ്റ്റർ സെലിൻ മാത്യു, കൗൺസിലർ ആൻജ്ജലീന തുടങ്ങിയവർ സംസാരിച്ചു. മാനസികരോഗചികിത്സ, ലഹരിവിമുക്ത ചികിത്സ, വിഷാദരോഗചികിത്സ, ടെൻഷൻമാനേജ്‌മെന്റ് സൈക്കോതെറാപ്പി കൗസലിംഗ് തുടങ്ങി എല്ലാവിധ മനോരോഗങ്ങൾക്കുമുള്ള ചികിത്സ സൗകര്യങ്ങൾ ലഭ്യമാണ്. കൂടാതെ 24 മണിക്കൂറും പ്രവർത്തിക്കുന്നഅത്യാഹിത വിഭാഗവും പ്രവർത്തിക്കും.