ഇടുക്കി : മലങ്കര ഡാമിലെ ജലനിരപ്പ് ക്രമാതീതമായി ഉയരുന്ന സാഹചര്യത്തിൽ ഡാമിന്റെ ആറ് ഷട്ടറുകൾ 50 സെന്റീമീറ്റർ വീതം ഉയർത്തി 140 ക്യുമെക്സ് വരെ ജലം പുറത്തുവിടും. മൂവാറ്റുപഴ ആറിന്റെ തീരത്ത് താമസിക്കുന്ന ജനങ്ങൾ ജാഗ്രത പാലിക്കണമെന്ന് ജില്ലാകലക്ടർ അറിയിച്ചു. പാംബ്ല ഡാമിലെ അഞ്ച് ഷട്ടറുകൾ കൂടി 50 സെന്റീമീറ്റർ വീതം ഉയർത്തി 350 ക്യുമെക്സ് വരെ വെള്ളം ഘട്ടം ഘട്ടമായി ഒഴുക്കിവിടും. പെരിയാറിന്റെ ഇരുകരകളിലുമുള്ളവർ അതീവ ജാഗ്രത പാലിക്കണം.