തൊടുപുഴ: ഇടുക്കി പ്രസ് ക്ലബ്ബിന്റെ ആഭിമുഖ്യത്തിൽ കഴിഞ്ഞ വർഷം മുതൽ നടത്തിവരുന്ന ഇടുക്കി ഷോർട്ട് ഫിലിം ഫെസ്റ്റ് സെപ്തംബർ 5, 6, 7 തീയതികളിൽ തൊടുപുഴയിൽ നടക്കും. ഇടുക്കി പ്രസ്‌ക്ലബ്ബും തൊടുപുഴ അൽ- അസ്ഹർ ഗ്രൂപ്പും സംയുക്തമായാണ് ഷോർട്ട് ഫിലിം ഫെസ്റ്റിവൽ നടത്തുന്നത്. മികച്ച ഷോർട്ട് ഫിലിമിന് 25,000 രൂപയും ഫലകവും പ്രശസ്തി പത്രവും നൽകും. രണ്ടും മൂന്നും സ്ഥാനങ്ങൾക്ക് യഥാക്രമം 15,000, 10,000 രൂപയും ഫലകവും പ്രശസ്തി പത്രവുമാണ് നൽകുക. ഇതു കൂടാതെ പ്രത്യേക ജൂറി പുരസ്‌കാരവും, മികച്ച നടൻ/ നടി, മികച്ച സംവിധായകൻ, മികച്ച കാമറാമാൻ എന്നീ വിഭാഗങ്ങളിൽ തിരഞ്ഞെടുക്കുന്നവർക്ക് പ്രത്യേക പുരസ്‌കാരങ്ങളും നൽകും. മാദ്ധ്യമപ്രവർത്തകൻ സനൽ ഫിലിപ്പിന്റെ സ്മരണാർത്ഥമാണ് ഷോർട്ട്ഫിലിം ഫെസ്റ്റിവൽ നടത്തുന്നത്. മത്സരത്തിന് ചിത്രങ്ങൾ സമർപ്പിക്കേണ്ട അവസാന തീയതി 28. ടൈറ്റിൽ ഗ്രാഫിക്സുകൾ ഉൾപ്പെടെ ചിത്രത്തിന്റെ ദൈർഘ്യം 30 മിനുട്ടിൽ കവിയരുത്. 500 രൂപയാണ് എൻട്രി ഫീസ്. മത്സരത്തിലേക്ക് ചിത്രങ്ങൾ ഡി.വി.ഡി പെൻഡ്രൈവിൽ, പോസ്റ്റൽ/ കൊറിയർ ആയോ pressclubidukkievents@gmail.com, pressclubidukkievents@gmail.com എന്നീ അഡ്രസുകളിൽ ഓൺലൈനിലോ സമർപ്പിക്കാം. 2018 ജനുവരി ഒന്ന് മുതൽ 2019 ആഗസ്റ്റ് 28 വരെ മലയാള ഭാഷയിൽ നിർമ്മിച്ച ചിത്രങ്ങളാണ് മേളയിൽ പരിഗണിക്കുന്നത്. ചലച്ചിത്ര ടെലിവിഷൻ മേഖലയിലെ പ്രമുഖർ അടങ്ങുന്ന പാനലാവും വിജയികളെ തിരഞ്ഞടുക്കുക. കൂടുതൽ വിവരങ്ങൾക്ക് +91 8547501750, 9744708816 എന്നീ ഫോൺ നമ്പരുകളിൽ ബന്ധപ്പെടുക. മത്സരത്തിലേക്ക് ചിത്രങ്ങൾ അയയ്‌ക്കേണ്ട വിലാസം: സെക്രട്ടറി, ഇടുക്കി പ്രസ് ക്ലബ്ബ്, പ്രസ് ക്ലബ്ബ് ബിൽഡിംഗ്സ്, തൊടുപുഴ- 685584.