തൊടുപുഴ : എസ്.എൻ.ഡി.പി യോഗം തൊടുപുഴ യൂണിയന്റെ ആഭിമുഖ്യത്തിൽ 17,​18 തിയതികളിൽ ചെറായിക്കൽ സുബ്രഹ്മണ്യസ്വാമി ക്ഷേത്ര ഗുരുദേവ ഓഡിറ്റോറിയത്തിൽ പ്രീമാര്യേജ് കൗൺസിലിംഗ് ക്ളാസ് നടക്കും. രാവിലെ 8.30 ന് രജിസ്ട്രേഷൻ,​ 9 ന് യൂണിയൻ ചെയർമാൻ എ.ബി ജയപ്രകാശ് ഉദ്ഘാടനം ചെയ്യും. യൂണിയൻ കൺവീനർ ഡോ. കെ.സോമൻ അദ്ധ്യക്ഷത വഹിക്കും. യോഗം അസി. സെക്രട്ടറി ജയേഷ്.വി,​ യോഗം ഡയറക്ടർ ഷാജി കല്ലാറയിൽ എന്നിവർ മുഖ്യപ്രഭാഷണം നടത്തും. യൂണിയൻ പോഷക സംഘടനാ ഭാരവാഹികൾ പങ്കെടുക്കും. തുടർന്ന് രണ്ട് ദിവസങ്ങളിലായി കുടുംബ ഭദ്രത,​ ഗർഭധാരണം,​ പ്രസവം,​ ശിശുസംരക്ഷണം,​ സംഘടനാ പരിചയം,​സ്ത്രീപുരുഷ ലൈംഗീകത,​ ശ്രീനാരായണ ധർമ്മം,​ മാതൃകാ ദമ്പതികൾ എന്നി വിഷയങ്ങളിൽ ക്ളാസ് നടക്കുമെന്ന് യൂണിയൻ കൺവീനർ ഡോ. കെ. സോമൻ അറിയിച്ചു.